شاعىل مىسىعى
شاعىل مىسىعى — كىشىرەك جابايى مىسىق (دەنەسىنىڭ ۇزىندىعى 40-50 سم، قۇيرىعى 20-30 سم، سالماعى 1،5-3 كگ). اراۆيا مەن سيناي تۇبەكتەرىندە، ساحارانىڭ سولتۇستىگىندە، پاكىستاندا، ورتا ازيا مەن قازاقستاندا مەكەندەيدى. ءبىزدىڭ رەسپۋبليكادا شاعىل مىسىعى قىزىلقۇم ءشولى مەن كاسپيي تەڭىزى ماڭىندا ۇيىلگەن قۇم توبەلەردى مەكەندەيدى. جەمتىگىن تۇندە، سۋىق كەزدە كۇندىز اۋلايدى. اقپان-ناۋرىزدا كۇيلەيدى. ءساۋىردىڭ اياعى مەن مامىردا 8 مارقاۋعا دەيىن تۋىلادى، جىل اياعىندا ولاردىڭ سالماعى ۇلكەن مىسىقتىڭ سالماعىمەن بىردەي بولادى. ءتىشقانتارىزدى كەمىرگىشتەر مەن ۇساق قۇستار، سيرەك باۋىرىمەن جورعالاۋشىلار جانە جاندىكتەرمەن قورەكتەنەدى. نەگىزگى جەمتىگى — قۇمتىشقاندار. مىسىقتىڭ سانىنىڭ ارتۋى مەن تارالۋى — قۇمتىشقاننىڭ كوپ بولۋىمەن تىعىز بايلانىستى. شاعىل مىسىعى سيرەك كەزدەسەتىن ءتۇر رەتىندە قازاقستاننىڭ قىزىل كىتابىنا ەنگىزىلگەن (1978، 1991، 1995). ءۇستىرت قورىعى مەن اقتاۋ-بوزاشى قورىقشاسىندا قورعالادى.
You Might Also Like
-
اباي اتىنداعى قازاق ۇلتتىق ۋنيۆەرسيتەتى 6م011300-بيولوگيا ماماندىعىنىڭ ماگيسترى مولدابايەۆا اسەل عابيت قىزى عىلىمي جەتەكشىسى: مۋسايەۆ قۋاندىق لەبەك ۇلى
-
بىر-ەكى ساعات بوس ۋاقىتىم بولا قالعاسىن، قازمۋ قالاشىعىنداعى كوكتەم وزەنىنىڭ جاعاسىنا كەلدىم. كوكتەم كۇنى. اينالا تىپ-تىنىش. قالتا تەلەفونىمداعى ادەمى اۋەندەردى تىڭداپ، ارى-بەرى وتكەن ادامدارعا قار...
