(كولسوۆتان)
-ەرتتەپ مىنسەم ءبىر جۇيرىك ۇشقىر اتتى،
شاپسام، ۇشسام سۇڭقارداي قۇستان قاتتى،
جالپاق دالا، كەڭ تەڭىز ءبارىن ءوتىپ،
قۋىپ جەتىپ، قايتارسام جاستىق شاقتى.
سولقىلداپ جىگىت بولىپ كەيىن قايتسام،
جاڭعىرتىپ ەن دالانى ولەڭ ايتسام!
قارتايعاندا، «كەت!» دەگەن بۇراڭ بەلمەن
بۇرىنعىداي ايقاسىپ بىرگە جاتسام!
-جوقتى كۇتپە. وق قايتپاس، ءبىر اتقان سوڭ،
قايتىپ تاتار نارسە ەمەس، ءبىر تاتقان سوڭ.
ءىزى جوق ىزدەپ تابار، قۇر قاڭعىرما،
كۇنباتىستان كۇن شىقپاس، ءبىر باتقان سوڭ!

---