شاحتەرلارعا شىمشىق نە ءۇشىن قاجەت بولدى
«كەلۋ» («Arrival») فيلمىندە عالىمدار بوگدەعالامشارلىقتاردىڭ كەمەسىنە مىنگەن كەزدە نەلىكتەن وزدەرىمەن بىرگە تورداعى قۇستى الىپ كىردى؟
شىمشىقتار اۋا قۇرامىنداعى كەز-كەلگەن وزگەرىسكە وتە سەزىمتال بولادى. ەگەر ولار جايسىزدىقتى سەزىنسە بىردەن قاتتى شىرىلداپ، سايراپ، مازاسىزدانىپ، ءوزىن ادەتتەگىدەن باسقاشا ۇستاي باستايدى.
19-عاسىردا تورداعى شىمشىقتاردى شاحتەرلاردىڭ وزدەرىمەن بىرگە الىپ جۇرگەندەرى بەلگىلى.
ادام سەزە المايتىن گازدار بۋلانعان كەزدە شىمشىقتار كەنەتتەن مازاسىزدانىپ، ءتىپتى ءولىپ قالاتىن بولعان.
شىمشىقتاردى ەلەكتروندى قۇرىلعىلار پايدا بولعانعا دەيىن، شاحتاداعى گازدى انىقتايتىن ينديكاتور رەتىندە پايدالاندى. شىمشىقتار اۋا قۇرامىنداعى وتە از مولشەردە بولسا دا، ۋىتتى جانە جارىلىسقا ءقاۋىپتى گازداردى بىردەن سەزە الادى. شاحتەرلار قۇستىڭ ارەكەتىن باقىلاپ، جۇمىس ىستەيتىن.
ەگەر قۇستار مازاسىزدانا باستاسا نەمەسە جاتىپ قالسا، شاحتەرلار تەز ارادا جەردىڭ بەتىنە شىققان. ءبىراق مۇنداي جاعدايدا قۇستار مىندەتتى تۇردە ءولىپ قالمايتىن. اۋا قالپىنا كەلگەن كەزدە ولار ەستەرىن جيادى. كەيىنىرەك شىمشىقتىڭ ەسىن تەز جيدىراتىن، ىشىندە وتتەگى بار قۇرالداردى پايدالاندى.
قۇستىڭ مۇنداي سەزىمتالدىعى ونىڭ كۇردەلى تىنىس الۋ جۇيەسىنە بايلانىستى.
ولار وتتەگى از بيىك جەرلەردە تىنىس الا الادى. ءبىراق ۋىتتى گازدارعا وتە سەزىمتال بولادى. سوندىقتان ولار ادامعا قاراعاندا تەز ۋلانىپ قالادى.
You Might Also Like
-
قىرىق وتىرىك — قازاقتىڭ حالىق اڭگىمەلەرىنىڭ ىشىندەگى ەڭ ءبىر كوپكە ءمالىم ءتۇرى. بۇل اڭگىمەنى ەرتە كۇندەردەن بەرى قاراي، حالىقتىڭ كارى-جاسى تۇگەل بىلەدى دەۋگە بولادى.
-
— ويباي ورىس كەلدى، سولدات كەلدى!— دەپ ەرعاليدىڭ كىشكەنە بالالارى ۇيگە اپالاقتاپ كىردى.
