سىرباي ماۋلەنوۆ
سىرباي ماۋلەنوۆ (1922 — 1993) ۇلى وتان سوعىس ارداگەرى. اباي اتىنداعى الماتى مەملەكەتتىن ۋنيۆەرسيتەتىن 1973 جىلى بىتىرگەن. 1943 — 1950 جىلدارى قوستاناي وبلىسى راديوكوميتەتىندە رەداكتور، "بولشيەۆيكتىك جول" (قازىرگى "كوممۋنيزم تاڭى") گازەتىندە ءبولىم مەڭگەرۋشىسى، رەداكتوردىڭ ورىنباسارى، 1951 — 1955 جىلدارى قازاق مەملەكەتتىك كوركەم ادەبيەت باسپاسىندا رەداكسيا مەڭگەرۋشىسى، 1957 — 1961 جىلى قازاقستان جازۋشىلار وداعىندا ادەبي كەڭەسشى؛ "قازاق ادەبيەتى" گازەتىندە باس رەداكتوردىڭ ورىنباسارى، 1964 — 1971 جىلى "جۇلدىز" جۋرنالىنىڭ، 1955 — 1957، 1971 — 1977 جىلى "قازاق ادەبيەتى" گازەتىنىڭ باس رەداكتورى بولىپ ىستەدى. تۇنعىش ولەنى جامبىل وبلىسى "كولحوزشى" گازەتىندە 1937 جىلى جاريالاندى، "ولەڭدەرىم" اتتى العاشقى جيناعى 1948 جىلى جارىق كوردى.
س. ماۋلەنوۆ — قىرىققا جۋىق جىر جيناقتارىنىڭ اۆتورى. ولەڭدەرى قازاق پوەزياسىنىڭ ليريكا جانرىن دامىتۋعا ەلەۋلى ۇلەس رەتىندە قوسىلدى. شىعارمالارىندا تۋعان جەر، زامانداس جانە ونىڭ جاسامپاز ەڭبەگى جارقىن جىرلانادى. "جولداس" (1954)، "جاس جۇرەك" (1956)، "جول ۇستىندەگى جالىندار" (1963)، "جۇلدىز جىرلار" (1963)، "قازىل ارشا" (1969)، "بوز قىراۋ" (1976)، "تاۋ گۇلدەرى"، "شالقار"، "جالىن" (ۇشەۋى دە 1979 جىل). "جانبىرسىز كۇز" (1980)، ولەندەرى "شۋاق"، "التىن تاسقىن" ولەندەر مەن پوەمالارى (ەكەۋى دە 1981 جىل)؛ "جۇلدىز جۇرەك" (1985) جيناقتارى شىقتى. اقىن كىتاپتارى سىنشىلار جوعارى باعالاندى. 1958 جىلى "تاڭداۋلى ولەڭدەر" اتتى تاڭدامالىسى. 1966 جىلى "شاڭقاي ءتۇس" جيناعى، 1972 جىلى "تاندامالىلارىڭ" 2 تومدىعى باسىلىپ شىقتى . ونىڭ "جاڭا كوكتەم" (1956)، "دالا تاڭى" (1957)، "كوگىلدىر تاۋلار" (1964)، "جەر ءنارى" (1970)، "اپرەل جاپىراقتارى" (1972)، "تاڭدامالى ليريكالارى" (1967)، "تاندامالا ليريكالارى" (1972)، "جاپىراقتار جانادى" (1972)، ولەڭدەر جيناقتارى ورىس تىلىندە ماسكەۋدە باسىلدى. 1981 — 1984 جىلدارى "تاڭدامالى شىعارمالارى"، "التىڭ تاسقىن" 1 ت. 1981، "ولەندەرى" 2 ت.، 1983 جىل؛ "ولەندەرىم"، 3 ت.، 1984 جىلى جاريالانادى.
ماۋلەنوۆ — بەلگىلى جۋرناليست. مەرزىمدى باسپاسوزگە بەلسەنە قاتىستى، كوپتەگەن پۋبليسيستيكالىق ماقالالار مەن وچەركتەر جازدى. "جار ءنارى" اتتى ادەبي پورترەتتەر مەن وچەركتەر جيناعىندا 1966 جىلى رەسپۋبليكا ەڭبەكشىلەرىن حالىق شارۋاشىلىعىن وركەندەتۋدەگى ەسەلى ەڭبەگىن تۋىسقان رەسپۋبليكالارعا بارعان ساپارلارىنان العان اسەرلەرىن سۋرەتتەيدى. "ال ۇركەر توبەدە تۇر" 1971 جىلى كىتابى ەستەلىكتەر مەن پورترەتتەردەن ەتيۋدتەردەن قۇرالعان. بۇل جيناقتا اباي، ىبىراي؛ ساكەن، ءىلياس، بەيىمبەت، ق. امانجولوۆ، ن.س. تيحونوۆ، م. تۇرسىن-زادە تاعى باسقا ءومىر جولىن قىسقا ءارى كوركەم بەينەلەنگەن. شىنداعى شۇعىلا اتتى ماقالالار مەن وچەركتەر جيناعىندا 1972 جىلى وتانىمىزدىڭ 50 جىل ىشىندەگى قول جەتكەن تابىستارى، لەنيندىك ۇلت ساياساتىنىڭ باعىتا باياندالاعان. ماۋلەنوۆ بالالارعا ارناپ "بارلاۋشى بال" (1961)، "قۇلىنشاق"، "بالا جولبارىس" (ەكەۋى دە 1963 جىل)، امانگەلدى يمانوۆتىڭ بالالىق شاعى تۋرالى "قورقاق تورپاق" (1968) تاعى باسقا ولەڭدەر مەن اڭگىمەلەر جازدى. ماۋلەنوۆ ورىس جانە تۋىسقان حالىقتار ادەبيەتىنىڭ كلاسسيكتەرى ا.س. پۋشكين، م.يۋ. لەرمونتوۆ، ن.ا. نەكراسوۆ، ت.گ. شيەۆچەنكو، ۆ.ۆ. ماياكوۆسكيي، ا.ا. بلوك، س.ا. ەسەنين، ن.س. تيحونوۆ، م.ا. شولوحوۆ، ءا. ناۋاي تاعى باسقا شىعارمالارىڭ قازاق تىلىنە اۋداردى. قازاقستان رەسپۋبليكاسى مەملەكەتتىك سىيلىعىناڭ لاۋرەاتى (1970). 1-دارەجەلى وتان سوعىسى؛ "قىزىل تۋ"، "حالىقتار دوستىعى"، "قۇرمەت بەلگىسى" وردەندەرىمەن جانە مەدالدارمەن ماراپاتتالدى.
وقۋعا كەڭەس بەرەمىز:
سىرباي ماۋلەنوۆتىڭ ولەڭدەرى
سىرباي ماۋلەنوۆتىڭ ناقىل سوزدەرى
You Might Also Like
-
سۇرانشى باتىر اقىنبەك ۇلى (1815-1864) — قازاق باتىرى، ساۋرىق باتىردىڭ نەمەرە ءىنىسى. الماتى وبلىسىنىڭ جامبىل اۋدانىندا تۋعان. ۇلى ءجۇزدىڭ شاپىراشتى رۋىنىڭ ەسقوجا تارماعىنان شىققان. اتالارى قاراس...
-
قاتەرلى ىسىك اۋرۋلارى ىشىندە ايەلدەردە كەزدەسەتىن ءسۇت بەزى وبىرى سوڭعى كەزدەرى جيىلەپ كەتتى. ءسۇت بەزى مەن جىنىس اعزالارى جۇيكە جۇيەسى مەن قانداعى گورموندار ارقىلى بايلانىسادى جانە ءومىر بويى وزگەرىس...
