ءسۇت بەزىنىڭ وبىرى
قاتەرلى ىسىك اۋرۋلارى ىشىندە ايەلدەردە كەزدەسەتىن ءسۇت بەزى وبىرى سوڭعى كەزدەرى جيىلەپ كەتتى. ءسۇت بەزى مەن جىنىس اعزالارى جۇيكە جۇيەسى مەن قانداعى گورموندار ارقىلى بايلانىسادى جانە ءومىر بويى وزگەرىسكە ۇشىراپ تۇرادى. مىسالى، ەتەككىر الدىندا ءسۇت بەزىنىڭ كولەمى ۇلعايسا، ەتەككىردەن كەيىن كىشىرەيەدى. مۇنداي وزگەرىستەر اي سايىن قايتالانادى. ءسۇت بەزى ايەلدەردىڭ جۇكتى كەزىندە دە ۇلعايادى. بۇل اۋرۋ كوبىنە جاساندى تۇسىكتىڭ كوبەيۋى جانە جاس نارەستەنى جاسىنا كەلگەنشە ەمىزبەۋ سالدارىنان تۋىندايدى. مۇنىڭ ءبارى ايەلدەردىڭ جىنىس اعزالارىنىڭ اۋرۋىنا، گورموندار تەپە-تەندىگىنىڭ بۇزىلۋىنا، اسىرەسە ۇرىق ارقىلى شىعاتىن ەستروگەن گورمونىنىڭ كوبەيۋىنە جانە ەمشەكتە ءارتۇرلى ىسىكتەردىڭ پايدا بولۋىنا الىپ كەلەدى. اتالمىش گورموننىڭ مول مولشەردە ۇزاق ۋاقىت بويى قانمەن ارالاسىپ ءجۇرۋى ىسىك الدىندا بولاتىن اۋرۋلاردىڭ اسقىنۋىنا ىقپال ەتەدى دە، ول ءسۇت بەزىنىڭ قاتەرلى ىسىگىنە ۇلاسادى. مۇنداي ىسىكتىڭ پايدا بولۋىنا جاتىردىڭ ۋشىعىپ قابىنۋى، سونداي-اق قالقانشا بەز بەن باۋىر اۋرۋلارى دا ىقپال ەتەدى. ال باۋىردىڭ ورگانيزمدەگى بارلىق ارتىق گورمونداردى وڭدەپ زيانسىزداندىرىپ تۇراتىن اعزا ەكەنى بەلگىلى.
ءسۇت بەزىنىڭ قاتەرلى ىسىگى ساۋ ءسۇت بەزىنە شىعا قويمايدى. ونىڭ تۋىنداۋ الدىندا فيبروادەنوما جانە ماستوپاتيا دەرتتەرى پايدا بولادى. مۇنداي جاعداي بايقالۋ بويىنا كەشىكتىرمەي دارىگەر ونكولوگقا كورىنۋ قاجەت.
ءسۇت بەزىنىڭ قاتەرلى ىسىگىن العاشقى ساتىسىندا قاتەرسىز ىسىكتەن ايىرۋ قيىنعا سوعادى. ول ءۇشىن ناۋقاستى مامموگرافيالىق جانە مورفولوگيالىق تەكسەرۋدەن وتكىزۋ كەرەك.
ءسۇت بەزىنىڭ قاتەرلى جانە قاتەرسىز ىسىكتەرىنىڭ الدىن الۋ جولدارىنىڭ ءبىرى ورگانيزمدەگى تەپە-تەڭدىكتىڭ بۇزىلۋىنا سەبەپشى بولاتىن فاكتورلاردى جويۋ بولىپ تابىلادى. ءار ايەل ءوز ورگانيزمىندەگى ەتەككىردىڭ كەلۋى، جىنىستىق قاتىناس، بوسانۋ جانە بالا ەمىزۋگە قاتىستى وزگەرىستەرگە دەر كەزىندە ءمان بەرىپ، وزگەرىس بايقالعان جاعدايدا بىلىكتى مامان دارىگەرلەردىڭ اقىل-كەڭەسىنە جۇگىنۋى ءتيىس. اي سايىن ءوزىن-وزى تەكسەرىپ تۇراتىن ايەل ءسۇت بەزىنىڭ قاتەرلى ىسىگىن 90 پايىز جاعدايدا ءوزى-اق الدىن الا انىقتاي الادى.
سوڭعى جىلداردا تۋۋ جاسىنداعى ايەلدەر اراسىنداعى اۋرۋلاردى ەرتە انىقتاۋ ماقساتىندا پروفيلاكتيكالىق تەكسەرۋ شارالارى جۇرگىزىلىپ كەلەدى. مۇنداي شارالاردى ەمحانادا مامانداندىرىلعان دارىگەرلەر جۇرگىزەدى.
جالپى ءسۇت بەزىنىڭ قاتەرلى ىسىگى بىلىنبەي باستالىپ، اۋىرماي وسەدى جانە باسقا اعزالارعا تارايدى. ەم نەعۇرلىم ەرتە باستالسا، سوعۇرلىم ءتيىمدى بولادى. سونىمەن بىرگە ايەلدەردىڭ بالانى ءجيى تۋىپ، ولاردى 3 جاسقا دەيىن ەمىزىپ، اسىراۋىنىڭ ءوزى بۇل دەرتتى بولدىرماۋدىڭ بىردەن-بىر جولى ەكەندىگىن ۇمىتپاعان ءجون.
ە.ح. ابدۋللايەۆ، ونكولوگ-دارىگەر
وقۋعا كەڭەس بەرەمىز:
ماستوپاتيا
قاتەرلى ىسىك ءقاۋىپىن ازايتۋ ءۇشىن
قاتەرلى ىسىكتى ارتتىراتىن ازىقتار
قاتەرلى ىسىكتىڭ الدىن الۋشى — ءجۇزىم
You Might Also Like
-
سىرباي ماۋلەنوۆ (1922 — 1993) ۇلى وتان سوعىس ارداگەرى. اباي اتىنداعى الماتى مەملەكەتتىن ۋنيۆەرسيتەتىن 1973 جىلى بىتىرگەن. 1943 — 1950 جىلدارى قوستاناي وبلىسى راديوكوميتەتىندە رەدا...
-
50-80 جىلدار ارالىعى — بۇل كەزەڭ حالىق اراسىندا "جىلىمىق" جانە "توقىراۋ" دەپ اتالىپ كەتكەن قوس ساتىدان تۇرادى. داعدارىس — جاپپاي تەرروردىڭ، رەفورمالار جۇرگىزۋدەگى ءسا...
