InfoHub Logo

وسى الشىننىڭ ەكى ادامى سول ارعىن جاققا بارىپ اۋىلعا قايتىپ كەلە جاتقاندا، جولدا قوي باعىپ جۇرگەن ءبىر ايەلگە تاپ بولىپ، ءجون سۇرايدى. سوندا ايەل «سىزدەر سىرىم دەگەندى بىلەسىزدەر مە؟» — دەپ سۇرايدى. بۇلار ءبىلىپ شىعادى. سونداي ايەل باسىنداعى شارشى ورامالىنىڭ ۇشىنان، ۇستىندەگى كويلەگىنىڭ قولتىعىنان ەكى جاپىراق شۇبەرەك جىرتىپ بەرىپ: «وسىنى سىرىمعا تاپسىرىڭدار»، — دەپ وتىنەدى. بۇلار اۋىلعا كەلگەننەن كەيىن جاڭاعى ايەلدىڭ ەكى جاپىراق شۇبەرەگىن سىرىمعا اكەلىپ بەرەدى. سىرىم ونى وزدىگىنەن شەشە الماي، باياعى ەسەنتەمىر بوكەن بي مەن تانا قوسكەن بيلەرگە اكەلىپ بەرىپ، ءمان-جايدى ايتادى. سوندا بوكەن بي: «مەن جاستاۋمىن عوي مىنا قوسەكەڭە بەر»، — دەيدى. سوندا قوسەكە:

— باسىنداعى ورامالىنان بەرگەنى — باسىم بايلاۋدا ءجۇر، مەنى وسى تۇتقىننان قۇتقار دەگەنى. ال كويلەگىنىڭ قولتىعىنان جىرتىپ بەرگەنى — دەنەگە كويلەك جاقىن عوي، مەن سەنىڭ جاقىنىڭمىن دەگەنى — دەپ شەشەدى.

بوكەن مەن قوسكە:

— شىراعىم، سەن بالا بولعانمەن باستاي ەدىڭ، داۋعا شەبەر ەدىڭ، قاسىڭا جولداس ەرتىپ سول ايەلگە بارىپ الىپ قايت، «بەرمەيمىز» دەپ ايتىسا قالسا، سول ەلدىڭ موڭكە دەگەن ءبيى بار، سونىڭ الدىنا بارارسىڭ، — دەيدى.

سىرىم جولداستارىمەن ارعىننىڭ موڭكە بيىنە بارىپ:

— ءسىزدىڭ قاراۋىڭىزدا مەنىڭ جاقىن قارىنداسىم قوي باعىپ قۇلدىقتا جۇرگەن كورىنەدى. سول قارىنداسىمدى بوساتىپ اۋىلعا الىپ قايتۋ ءۇشىن كەلدىم، — دەيدى. سوندا موڭكە سىرىمعا بىلاي دەيدى:

— وزىڭمەن قىرىق جىگىتتى ءبىر تۇستەن كيىندىرەم، بىرەۋى سەن بولارسىڭ. ال ول جاقتان قىرىق قىزدى ءبىر تۇستەن كيىندىرىپ قارسى شىعارام، بىرەۋى سەنىڭ قارىنداسىڭ بولادى. قارسى كەلگەندە، ەكەۋىڭ ءبىرىڭدى-بىرىڭ تاني تاباندا كورىسسەڭدەر، قارىنداس سەنىكى، بولماسا بەرە المايمىز، — دەيدى.

سول قالپىمەن قىرىق جىگىت، قىرىق قىز قارسى كەلگەندە، الگى تۇتقىن ايەل:

— ارىستانىم، امان كەلدىڭ بە؟ — دەپ، سىرىمنىڭ قولىن الادى. سوندا سىرىم:

— اسىلىم، امان ءجۇرمىسىڭ؟ — دەپ، قولىن بەرەدى.

ەكەۋى تانىسقاننان كەيىن قايتادان موڭكە بيگە كەلەدى. سوندا موڭكە ايەلگە:

— ءسىز، كوپ ادامنىڭ ىشىنەن سىرىمدى قايدان تانىدىڭىز؟ — دەيدى. سوندا ايەل تۇرىپ:

— كەلە جاتقان جىگىتتەردىڭ بىرەۋلەرى جان-جاعىنا قارايدى، ال بىرەۋلەرى كۇلىپ-ويناپ كەلەدى. مىنا مەنىڭ اعام سىرىم ءبىر قالىپتا تۇنجىراپ كەلەدى ەكەن. جوق جوعالتقانداي، دۇشپاندا كەتكەن كەگى كەتكەندەي، ءتۇسى تۇنجىراپ كەلە جاتقان الشىننىڭ ارىستانى وسى بولار دەپ كورىستىم، — دەيدى. سىرىمعا ءسىز قايدان تانىدىڭىز! — دەيدى. سوندا سىرىم:

— قايعىسىز ادامنىڭ بەتىندە جارىعى بار، قايعىلى ادام- نىڭ بەتىندە سالىعى بار، مەن سودان تانىدىم، — دەپتى.

موڭكە بي ايەلدى سىرىمعا بەرەدى. سىرىم اۋىلعا الىپ كەل- گەننەن كەيىن توركىندەرى:

— ءسىز ءوزىڭىز وسى قىزدى جاتتان الىپ كەلدىڭىز، ەندى ءوزىڭىز وكىل اعا بولىپ ءوز قولىڭىزدان ۇزاتىڭىز، — دەيدى.

سىرىم ءوز قولىنان قىزدى ۇزاتىپ، ءوز تەڭىنە ءالىم دەربىسالى دەگەننىڭ بالاسىنا قوسادى.

وقۋعا كەڭەس بەرەمىز:

جىلقىنىڭ تورىسى كوپ پە، توبەلى كوپ پە؟ (ءى نۇسقا)

سىرىمنىڭ نۇرالى حاندى شابۋى (ءىى نۇسقا)

بايماعامبەت سۇلتان مەن سىرىم باتىر

---