سىرىمنىڭ قازا بولۋى (III نۇسقا)
سىرىم ات جارىسقا ءوزىنىڭ اقمونشاق اتتى اتىن قوسادى. اتى بايگەدەن الدا كەلەدى. بۇعان اشۋلانعان حان سىرىمدى ءولتىرۋدىڭ قامىنا كىرىسەدى. حان سىرىمعا: «كۇرەسۋگە ادامىڭدى شىعار، شىعارا الماساڭ، جەڭىلگەنىڭ»، — دەيدى. سىرىم وزىمەن بىرگە كەلگەن ءزىلقارا باتىرعا بارىپ: «كۇرەسۋگە قالايسىڭ؟» — دەگەن. ءزىلقارا باتىر: «جولدا كەلە جاتىپ شولدەگەنىمدە، جول بويىندا ءوسىپ تۇرعان ءبىر توپ توبىلعىنى سىعىپ، سۋ شىعارىپ ءىشتىم، ال كۇرەسۋ ودان جەڭىل. مەن ءازىرمىن»، — دەپ جاۋاپ قايتارعان.
ەكى جاقتىڭ باتىرلارىنىڭ كۇرەسىندە ءزىلقارا باتىر جەڭىسكە جەتەدى. حان سىرىمدى ولتىرۋگە مىستان كەمپىردى جىبەرەدى. ءبىر قاپىلىستا مىستان كەمپىر سىرىم مىنگەن اتتىڭ ۇزەڭگىسىنە مۇشەاياق ۋىن جاعىپ قويادى. الاڭسىز سىرىم ەلىنە قايتپاقشى بولىپ، اتىنىڭ ۇزەڭگىسىنە اياعىن سالا بەرگەندە، كەنەت ءبىر الىپ كۇش اياعىن سىرقىراتا جونەلەدى. ءبىر بالەنىڭ بولعانىن، ونىڭ حاننان كەلگەنىن ءوزى دە، جولداستارى دا سەزەدى. جولداستارى ءبىراز جەرگە شەيىن كوتەرىپ الىپ جۇرەدى. سىرىمعا «اياعىڭدى كەسەيىك پە؟» دەپ جولداستارى سۇراعاندا، سىرىم: «جوق اياعىمدى كەستىرىپ، شولاق اياق اتانعاننان ولگەنىم ارتىق، مەنىڭ ىرىسىمنىڭ جەتكەن جەرى وسى بولار، تاستاپ كەتىڭدەر»، — دەپ ءوتىنىپتى.
ءسويتىپ، وتكىرلىگىمەن دە تاپقىرلىعىمەن ەرتە كوزگە ءتۇسىپ، حالىقتىڭ سۇيىكتى ۇلى بولعان سىرىم باتىر ويىل-قيىل دەگەن جەردىڭ بويىندا قايتىس بولعان.
وقۋعا كەڭەس بەرەمىز:
جىلقىنىڭ تورىسى كوپ پە، توبەلى كوپ پە؟ (ءى نۇسقا)
You Might Also Like
-
جۋرناليستيكا قازىرگى قوعامنىڭ اجىراماس بولىگى، بيلىكتىڭ 4‑ءشى يەسى. ول قوعام پىكىرىنىڭ قالىپتاسۋى بارىسىندا ماڭىزدى ءرول اتقارادى. الايدا، بۇل ماڭىزدىلىقتىڭ ارتىندا ۇلكەن جاۋاپكەرشىلىكتىڭ جاتقان...
-
سىرىم حيۋادا ءجۇرىپ قايتىس بولادى، بالا-شاعاسىنا ەستىرتۋگە ەلدىڭ ادامى جينالىپ ەشبىر قيسىنىن تابا الماي جۇرەدى. ەلدىڭ شەتىنەن ۇرىشتا دەگەن ءبيدى الدىرادى. «سىرىمنىڭ ءولىمىن قاتىن-بالاسىنا ەستىرت...
