InfoHub Logo

ءبىلىم جانە عىلىم مينيسترلىگى جوعارى وقۋ ورىندارىنان تالاپ ەتىلەتىن ءبىرقاتار قۇجاتتىڭ قىسقارعانىن مالىمدەدى.

ۆەدومستۆونىڭ جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆتىڭ ايتۋىنشا، بۇدان بىلاي جوعارى وقۋ ورىندارىندا ەسەپتىلىكتى قىسقارتۋ اياسىندا 11 قۇجات تالاپ ەتىلمەيدى. سونىڭ ىشىندە ستۋدەنتتىڭ سىناق كىتاپشاسى جانە ۇلگەرىمنىڭ قاعاز جۋرنالدارى بار.

سونىمەن بىرگە پروفەسسور-وقىتۋشىلار قۇرامىنىڭ جۇمىسىن جەڭىلدەتۋ ماقساتىندا بىرنەشە ەسەپ بەرۋ قۇجاتى الىنىپ تاستالدى. مينيسترلىك كۇشى جويىلعان ەسەپتىلىكتىڭ جەكە قاعاز تۇرلەرىن جاساماۋعا، جوسپارلاۋ مەن قۇجات اينالىمىنىڭ سيفرلىق جۇيەسىنە تولىق كوشۋگە شاقىردى. «الايدا دەپارتامەنتكە كەيبىر جوعارى وقۋ ورىندارىندا ءالى كۇنگە دەيىن پروفەسسور-وقىتۋشىلار قۇرامىنان ارتىق ەسەپتىلىك قۇجاتتارى تالاپ ەتىلەتىنى تۋرالى اقپارات كەلىپ ءتۇسىپ جاتىر. مىسالى، ستۋدەنتتەر ۇلگەرىمىنىڭ قاعاز جۋرنالى، پروفەسسور-وقىتۋشىلار قۇرامىنىڭ اتقارعان جۇمىستارى تۋرالى اپتا، اي سايىنعى ەسەپتەر جانە تاعىسىن تاعى. قۇرمەتتى ارىپتەستەر، ەگەر ءسىز وسىنداي پروبلەمالارعا تاپ بولساڭىز دەپارتامەنتكە حابارلاۋىڭىزدى سۇرايمىز»، — دەپ جازدى ادىلەت تويبايەۆ الەۋمەتتىك جەلىدەگى پاراقشاسىنا.

---