ءسۇيىنباي ارون ۇلى
ءسۇيىنباي ارون ۇلى (1815-1898) — اقىن. الماتى وبلىسى جامبىل اۋدانى قاراقىستاق اۋىلىندا دۇنيەگە كەلگەن. «مەنىڭ ءپىرىم — ءسۇيىنباي، ءسوز سويلەمەن سىيىنباي ....»، — دەپ جامبىل ونى وزىنە ۇستاز تۇتقان. ءسۇيىنباي شاپىراشتى رۋىنىڭ ەكەي اۋلەتىنەن شىققان. حالىق قامىن كوزدەگەن وتەگەن، قاراساي، سۇرانشى، ساۋرىق باتىرلار تۋرالى داستاندار شىعارعان.
ونىڭ قاتاعان اقىنمەن، تەزەك تورەمەن ايتىستارى بەلگىلى. بۇل ايتىستاردان ءسۇيىنبايدىڭ اقىندىق تاپقىرلىعى، تۋراشىلدىعى، ۇستەم تاپ وزبىرلىعىن شەنەگەن قايسارلىعى ايقىن كورىنەدى. سونىمەن بىرگە، ونىڭ شەشەندىك ناقىلدارى، بولىس-بيلەرگە ارنالعان سىقاق ولەڭدەرى دە («ماقسۇتقا»، «قاسىمعا»، «بولىستارعا باعا») كوپتەپ كەزدەسەدى.
ءسۇيىنباي شىعارمالارى العاش جەكە كىتاپ بولىپ ءى.جانسۇگىروۆتىڭ قۇراستىرۋىمەن 1935 جىلى، ال ەكىنشى رەت 1976 جىلى جارىق كورگەن.
م.اۋەزوۆ «ءسۇيىنباي — جەتىسۋ اقىندارىنىڭ التىن دىڭگەگى» دەپ باعالادى. ءسۇيىنباي ارون ۇلىنىڭ اتىندا الماتىدا كوشە بار.
وقۋعا كەڭەس بەرەمىز:
ءسۇيىنباي ارون ۇلىنىڭ ولەڭدەرى
ءسۇيىنباي ارون ۇلىنىڭ ناقىل سوزدەرى
You Might Also Like
-
قازاق حالقى بۇرىننان سوزشەڭدىگىمەن، كوسەمدىگىمەن تانىمال حالىق. سۋىرىپ سالما اقىندار مەن جىراۋلاردىڭ ولەڭ-جىرلارى ءالى كۇنگە دەيىن حالىق اۋىزىندا. اقيىق اقىن مۇقاعالي ماقاتايەۆ – ءبىرتۋار اقىن. ...
-
سىپاتاي باتىر (1782-1867) — قوقان باسقىنشىلارىنا قارسى كۇرەستە اتى شىققان باتىر، ەرلىگى مەن شەشەندىگى، ادىلدىگى مەن اقىلدىلىعى جادىندا ساقتالىپ قالعان ۇلكەن بەدەل يەسى. شىققان تەگى — دۋ...
