InfoHub Logo

عالىمدار شاي، كوفە جانە ءسۇتتى تاماقتان كەيىن ەڭ از 45 مينۋت وتكەننەن سوڭ ءىشۋ كەرەكتىگىن ايتادى. تاماقتىڭ ارتىنشا نەمەسە تاماقپەن بىرگە ىشىلەتىن شاي، كوفە جانە ءسۇت تەمىر ازدىعىنا، (ياعني انەمياعا) سەبەپ بولۋى مۇمكىن. ماماندار شاي جانە كوفەنىڭ قۇرامىنداعى ەلەمەنتتەردىڭ تەمىرمەن بىرىگۋى سەبەپتى، استاعى تەمىردڭع دەنەگە ءسىڭۋىنىڭ ازاياتىنىن ايتۋدا. مامانداردىڭ بەرگەن مالىمەتتەرى بويىنشا تەمىر ەلەمەنتىنىڭ ورگانيزمدەگى مولشەرى جۇكتى جانە ەتەككىرى كەلگەن ايەلدەردە وتە ازايىپ كەتەدى ەكەن. تاعى ءبىر ماڭىزدى جايت، بەسىكتەگى نارەستەلەرمەن جەتكىنشەك جاستاعى بالالار ورگانيزمىنىڭ وسۋىندە دە تەمىردىڭ اسا قاجەتتى ەلەمەنت ەكەندىگى.كەندىگى.

ءبىز تاماقتانۋ داعدىمىز ارقىلى تەمىردىڭ دەنەمىزگە ءسىڭۋىن ارتتىرىپ-ازايتا الامىز. ماماندار: «شاي ىشپەڭدەر دەمەيمىز ارينە. شايدى تاماقتان 45 مينۋت وتكەننەن كەيىن ىشكەن جاقسى. ليمون قوسىپ ءىشۋ دە وتە پايدالى. سونداي-اق ءسۇتتى دە تاماقتان 45 مينۋتتان كەيىن ىشكەن جاقسى بولادى. ويتكەنى ءسۇت تە تەمىردىڭ دەنەگە ءسىڭۋىن ازايتاتىن فاكتور» دەيدى.

انەميانىڭ العاشقى بەلگىسىنىڭ السىزدىك پەن تەز شارشاۋ ەكەنىن ايتقان ماماندار: «كەيىن باس اۋرۋى، باس اينالۋى سياقتى بەلگىلەرى شىعۋى مۇمكىن. وتتەگىنى قاندا الىپ جۇرەتىن گەموگلابين ازايعاندىقتان جۇرەك بۇنى جەتكىزۋ ءۇشىن كوپ ەڭبەك ەتەدى، ءتىپتى جۇرەكتىڭ ۇلكەيۋى جانە جۇرەك جەتىمسىزدىگى سياقتى بەلگىلەر پايدا بولۋى مۇمكىن» دەپ مالىمدەيدى.

تاماقتى ىستىق شايمەن ىشۋگە داعدىلانعاندار تاماقتانۋ كەزىندە شايدىڭ ورنىنا جىلى سۋ تۇتىنسا بولادى. سونداي-اق تەمىردىڭ اعزاعا ءسىڭۋىن ارتتىرۋ ءۇشىن س ءۆيتامينى تۇرعىسىنان باي ازىقتاردى تۇتىنۋ ماڭىزدى ەكەن. مىسال كەلتىرۋ كەرەك بولسا، تاڭعى استى ىشەر كەزدە شايدىڭ ورنىنا اپەلسين شىرىنىمەن ءىشۋ نەمەسە قۇرامىندا س ءۆيتامينى بار سالاتتارمەن بىرگە جەۋ دە دەنەگە تەمىر ەلەمەنتىنىڭ الىنۋىن ارتتىرادى.

وقۋعا كەڭەس بەرەمىز:

شايدىڭ زيانى: عالىمداردىڭ 6 تۇجىرىمى

شاي تۋرالى قىزىقتى دەرەكتەر

شاي تۋرالى

---