تاڭعى شۋاق كوكجيەكتەن كورىنگەن
[ ] بۋديلنيك داۋسىنان ەمەس، اعامنىڭ ءوشىر!، دەگەن اشۋلى ۇنىنەن وياندىم. جىپ-جىلى توسەگىمدى، قانباعام ۇيقىمدى قيماي-قيماي وياندىم. بۋديلنيكتى ءوشىردىم. ءۇي ءىشى تىپ-تىنىش. كيمىمدى كيىپ، تەرەزەدەن دالاعا قاراسام كۇن ەندى شىعىپ كەلەدى. دالا تۇتاس كولەڭكە. ەسىكتى ءوز ىڭعايىمەن، ونەرلەپ تۇرىپ، دىبىسىن شىعارماي اشاتىن قاسيەتىم بار ەدى. ەسىكتىڭ اشىلعانىن وزىنە دە بىلدىرتپەي اشىپ، سىرتقا شىقتىم. دالانىڭ قانىعىن، كەرەمەتتىگىن ايتىپ جەتكىزۋ مۇمكىن ەمەس. تاپ-تازا اۋامەن تىنىشتىقتىڭ كەرەمەت ۇيلەسىمىن ءبىر جاعىمسىز ءۇن قۇرتتى. ول ءيتتىڭ بالاسى لايكا كۇشىگىم. مەنى كورە سالا الاسۇرىپ، ءۇرىپ جاتىر. ارينە مەنى جاقسى كورگەننەن ەمەس، قارنىنىڭ اشقاندىعىنان. دالاداعى اس ۇيگە جۇگىرىپ بارىپ 2 ءۇزىم ناندى سۋعا ءبىر مالىپ الدىم دا، الدىنا لاقتىرا سالدىم. ءۇنى وشتىدە قالدى. /تاڭەرتەڭ ەرتە تۇرعانداعى نەگىزگى ماقساتىم، مەنى تاعاتسىزدانا كۇتىپ تۇرعان، قادىرمەندى 42 تاۋىقپەن 1 قورازىما تاماق بەرۋ ءۇشىن ەدى. ولار مەنىڭ كەلە جاتقان داۋسىمدى ەستىگەننەن گۇبىرلەسىپ بىردەڭە دەسە باستايدى. سودان تاۋىق قوراعا كىرىپ جەم سالاتىن ىدىس الىپ شىعامىن. مەنىڭ تاۋىقتارىمدا نە ۇركۋ، نە قورقۋ دەگەن جوق بولاتىن. مەنىمەن جاعالاساتىندا جۇرەتىن. ىدىسقا ءتورت توستاق كەبەك(كەبەك دەگەنىمىز تاۋىققا بەرەتىن ءبىر پالە. سۋ قوسساڭ تالقان سياقتى بولادى)، 1 توستاق بيداي سالىپ، سۋمەن ارالاستىرا باستايمىن. تاڭعى استارىن دايىندالۋ جولىن، تاماشالاپ تۇرعان تاۋىقتار اعاش شارباقتى(ال شارباق دەگەن، قورشاۋ) جارىپ وتەردەي ۇمتىلادى. تاماق دايىن بولعانسوڭ، سىرتقى جىندى ەسىكتەن كىرەمىن(جىندى ەسىك دەگەنىمىز، توپساسى سىمنان جاسالعان، باعىتسىز، باعدارسىز، اشۋعا ءتيىپ، جارتىلاي اشىلاتىن جەكسۇرىن ەسىك). قولىمداعى جەم تولى توستاقتى توگىپ الماي، 42 تاۋىقتى شىعارىپ الماي، ءبىر كەرەمەت ەپتىلىكپەن كىرەمىن. ىشكە كىرگەن سوڭ، قاربالاس باستالادى. 42ء-سى 42 جاقتان ماعان قاراي ۇمتىلاتىندارى سونشالىق، مەنى جەپ قويۋعا دايىن. قولىما ءبىر ۋىسىن الىپ، جەم سالاتىن استاۋعا سالامىن. سالىپ جاتقاندا قولىمنىڭ شۇقىلماعان جەرى قالمايدى. كەيدە جەم اياعىما ءتۇسىپ كەتكەندە، اياعىمداعى جەم تاۋسىلعانشا الەك بولام. /تاماقتارىن بەرىپ، سۋىن قۇيىپ بولعان سوڭ، ەڭبەگىمنىڭ اقىسىن الامىن. مەن كەلەدى دەپ 14-15 جۇمىرتقانى، جاڭا پىسكەي تابا نانداي ىپ-ىستىق قىلىپ دايىنداپ قويادى. ۇيگە كەلىپ، قولىمداعى كەبەك قالدىعىن جۋىپ، توسەگىمە كەلىپ جاتامىن. قولىمنان كەبەكتىڭ ءيىسى اڭقىپ شىعىپ تۇرادى. سول ءيىس جۇرەگىمە ىستىق سەزىم ۇيالاتادى.
جىلدار ءوتىپ، قاريا بولعان شاعىمدا كەبەكتىڭ ءيىسى مۇرنىما كەزدەيسوق ءىلىنىپ، كوزىمە جاس كەلەتىندەي. بۇل جاس، بالالىق شاعىما دەگەن ىستىق سەزىممەن، ءبىر كەرەمەت ساعىنىشتىڭ جاسى بولارى انىق.
زاكيروۆ ومار:"العاباس" شىعارماسىنان ءۇزىندى.
You Might Also Like
