تانىمال كورىكتى جەرلەردىڭ ىشكى كورىنىسى
اتاقتى ساۋلەت ەسكەرتكىشتەرىن ينتەرنەت پەن كىتاپ ارقىلى كوپشىلىك كورگەن بولار. ءبىراق، ءبىر قىزىعى — سىرتتاي قاراعاندا ولاردىڭ بار قىرىن بىلەتىن سياقتىمىز، ال ىشكى كورىنىسى قانداي دەگەندە بىلەرىمىز از، دەگەنمەن ول تۋرالى اقپاراتتى دا وڭاي تابۋعا بولادى. ال ول جەردە جاسىرىنىپ تۇرعان قىزىق كوپ ەكەن.
1. پيزا مۇناراسى، يتاليا
ءبىر تاڭقالارلىعى، ىشكى جاعىنان مۇنارانىڭ كەيبىر جەرى بوس، ءبىراق جوعارى كوتەرىلە الاسىز — ونىڭ پەريمەترى بويىمەن وتەتىن باسپالداعى بار.
پيزا مۇناراسىن قالپىنا كەلتىرۋ مەن ساقتاپ قالۋ ءۇشىن كوپ كۇش پەن قاراجات جۇمسالدى، سوندىقتان ىشىنە كىرۋ ءۇشىن ءبىراز اقشا تولەۋگە تۋرا كەلەدى — از دەگەندە 32 ەۋرو. كوتەرىلمەي تۇرىپ سىزدەن فوتواپپاراتتان وزگە زاتتىڭ ءبارىن “الىپ قالادى”. ءسىرا، بۇل گاليلەيدىڭ دەنەلەردىڭ قۇلاۋى جونىندەگى تاجىريبەلەرىن ادامدار قايتالاماسىن دەگەن نيەتپەن ىستەلگەن بولار.
2. ۆاسيليي بلاجەننىي سوبورى، رەسەي
رەسەيدىڭ باس سيمۆولى ىشكى جاعىنان دا، سىرتقى جاعىنان دا ەكلەكتيكالى. عيباداتxانا ءبىر فۋندامەنت ۇستىنە ورنالاستىرىلعان بىرنەشە ءار ءتۇرلى شىركەۋ تۇرىندە سالىنعان، سوندىقتان ىشكى قۇرىلىمدى بىردەن ۇعۋ قيىن. عيباداتxانا ىشىندە 9 يكونوستاس پەن 2 قابات، سونداي-اق كىشىگىرىم مۇراجاي دا بار. اشەكەيلەنگەن قابىرعالارىنا قاراساڭىز، قۇددى ءبىر ەرتەگى الەمىنە تۇسكەندەي بولاسىز.
3. ماچۋ-پيكچۋ، پەرۋ
بۇگىندە 70 دوللارىن قيۋعا دايىن كەز كەلگەن ادامنىڭ ينكتەر قالاسىن كورۋ مۇمكىندىگى بار. يا، وكىنىشكە وراي، بۇل الەمدەگى ەڭ قىمبات كورنەكى جەرلەردىڭ ءبىرى بولىپ تابىلادى.
ەگەر باتىلىڭىز بارىپ، ەجەلگى ماچۋ-پيكچۋ قالاسىن كورۋ ءۇشىن بيىككە شىقساڭىز، سول ءبىر كانوندى كورىنىس اشىلماۋى دا مۇمكىن — بۇل جەردى ءجيى تۇمان باسادى. الايدا ۋايىمداماڭىز، ماچۋ-پيكچۋ كوشەلەرى مەن قۇرىلىستارى دا قىزىققا تولى.
4. سالتانات قاقپاسى، فرانسيا
سالتانات قاقپاسى تاڭعاجايىپ جەردە — اينالاسىن اتاقتى 12 داڭعىل قورشاپ جاتقان شارل دە گولل الاڭىندا ورنالاسقان. ال سول داڭعىلداردىڭ ءبىرى — ايگىلى ەليسەي جازىعى. قاقپا ۇستىندە كورۋ الاڭىنىڭ اشىلۋى دا سوندىقتان بولار.
وعان كوتەرىلۋ قۇنى — 12 ەۋرو. وسى اقشاعا سونداي-اق قاقپا ىشىندە ورنالاسقان مۇراجايدى دا كورىپ قايتساڭىز بولادى.
5. كوليزەي، يتاليا
كوليزەيدىڭ ءىشى — كۇمبەز ءتارىزدى اركالار، ول جەرلەردە بۇرىن كورەرمەندەر وتىراتىن جانە ساۋدا جۇرگىزىلەتىن بولعان. شايقاستار وتكىزىلگەن الاڭنىڭ ءوزى ءقازىر جوق، ەسەسىنە ونىڭ استىندا نە بولعانى كورىنەدى — گلادياتورلار مەن جانۋارلار تۇراقتاعان ءۇي-جايلاردىڭ قالدىقتارى ساقتالعان.
كوليزەيگە 12 ەۋرو تولەپ كىرۋگە بولادى، سونىمەن بىرگە بۇل بيلەت سىزگە ريم فورۋمىن كورۋگە دە قۇقىق بەرەدى.
6. جارىلقاۋشى حريستوس ەسكەرتكىشى، برازيليا
ريو-دە-جانەيروعا كەلە سالىسىمەن بىردەن كوزىڭىزگە تۇسەتىنى — جارىلقاۋشى حريستوس ەسكەرتكىشى. مىقتى فوتو جاساۋدىڭ 2 جولى بار — ونى الىستان سۋرەتكە ءتۇسىرۋ نەمەسە ايتارلىقتاي كوپ ادام توبىمەن بىرگە ەسكەرتكىش تۇبىندەگى كورۋ الاڭىنا كوتەرىلۋ. بۇل الاڭعا شىعۋ قۇنى تۋريستەر اعىلىپ كەلەتىن جوعارى سۇرانىستى ماۋسىم كەزىندە 23 دوللاردى قۇرايدى ەكەن.
7. حەوپس پيراميداسى، مىسىر
مىسىردا 118-138 پيراميدا بار جانە سولاردىڭ ىشىندەگى ەڭ اتاقتىسى — ارينە، حەوپس پيراميداسى. سىرتتاي زور بولىپ كورىنگەنىمەن، ءىشى بىرەۋلەردىڭ كوڭىلىن قالدىرۋى مۇمكىن. فرەسكالار مەن يەروگليفتەردىڭ ورنىنا بوس قابىرعالاردى كورەسىز، ال دالىزدەرىنىڭ تومەندىگى سونشا، ءۇش بۇكتەلىپ جۇرۋگە تۋرا كەلەدى. پەرعاۋىن ساركوفاگىنا كەلەر بولساق، ول بەتوننان جاسالعان ۆاننا تارىزدەس.
ىشىنە كىرۋ ءۇشىن شامامەن 13 ەۋرو تولەۋ قاجەت.
8. ساگرادا-فاميليا سوبورى، يسپانيا
بۇل سوبور مىسىرلىق پيراميدالاردان دا ۇزاق سالىنىپ جاتىر. ونى سالۋ ءۇشىن نە دانىشپان، نە ەسىنەن اداسقان جان بولۋ كەرەك دەسەدى. راسىمەن دە، ونىڭ سىرتقى كەلبەتى سياقتى ىشكى كورىنىسى دە وزىندىك دارالىعىمەن، باتىلدىعىمەن ەرەكشەلەنەدى ەكەن. مىسالعا، اعاش تارىزدەس كولوننالار سونىڭ ءبىر دالەلىندەي.
ىشكە كىرۋ ءۇشىن 15 ەۋرو تولەۋ كەرەك، ءبىراق كورەتىنىڭىز سول قۇنعا تۇرارلىق دۇنيە.
9. «وتان-انا شاقىرادى!» ءمۇسىنى، رەسەي
ەۋروپانىڭ ەڭ بيىك ءمۇسىنى رەسەيدە ورنالاسقان جانە ول ستالينگراد تۇبىندەگى شايقاس تۋرالى ەستەلىك رەتىندە تۇرعىزىلعان بولاتىن.
حالىق اراسىندا ءمۇسىننىڭ اۋزىندا كورۋ الاڭى، ال قۇلاعىنىڭ جانىندا VIP-تۇلعالارعا ارنالعان مەيرامxانا بار دەگەن ءسوز تارالعان ەكەن. ءبىراق، شىندىعىندا ولاي ەمەس. ەسكەرتكىش ىشىندە سىم ارقاندار تارتىلعان جانە قاراپايىم ادامداردى ول جەرگە كىرگىزبەيدى، تەك تەxنيكالىق قىزمەتكەرلەردىڭ عانا كىرۋگە قۇقى بار.
10. نويشۆانشتاين قامالى، گەرمانيا
بۇل تاڭعاجايىپ قامالدى باۆاريالىق كورول II ليۋدۆيگ سالدىرعان، الايدا ءوزى ول جەردە ءومىرىنىڭ بار بولعانى 172 كۇنىن عانا وتكىزگەن ەكەن.
نەگىزى، ءىشىنىڭ ادەمىلىگى سونشا، قانداي سۋرەت قويارىمىزدى بىلمەدىك. قامال بالكونىنان قاراعانداعى ءبىر عانا كورىنىستىڭ ءوزى قانداي، قاراڭىزشى. بۇل كىرۋ ءۇشىن تولەنەتىن 13 ەۋروعا تۇرارلىقتاي كورىنىس ەمەس پە؟ ءيا، ىشتەن كورەتىنىڭىز سول جۇمسالعان اقشانى تولىعىمەن اقتايدى دەگەن ويدامىز.
11. سيدنەي وپەرا تەاترى، اۆستراليا
جەلكەندى كەمەنى ەسكە تۇسىرەتىن بۇل تەاتر بيگ-بەن جانە ەيفەل مۇناراسىمەن تەڭ دارەجەدە باعالاناتىن زاماناۋي قۇرىلىستاردىڭ ءبىرى بولىپ تابىلادى.
ىشكە تەگىن كىرۋگە بولادى (ارينە، وپەرانىڭ ءوزىن ەسەپكە الماعاندا). ايتپاقشى، تەاتردىڭ ەڭ كىشكەنتاي “جەلكەندەرىنىڭ” بىرىندە “بەننەلونگ” مەيرامxاناسى ورنالاسقان.
12. رەيحستاگ، گەرمانيا
بۇل كلاسسيكالىق عيماراتتىڭ ەرەكشەلىگى زاماناۋي ءمولدىر كۇمبەزىنىڭ بولۋىندا. ءتىپتى ىشىنە تەگىن كىرە الاسىز جانە مەملەكەت تاعدىرى قالاي شەشىلەتىنىن كورە الاسىز. تەك ەكى اي بۇرىن ەكسكۋرسياعا جازىلىپ قويۋ قاجەت.
13. ەيفەل مۇناراسى، پاريج
ەيفەل مۇناراسىنا كەلگەندە باسقاشا ىستەدىك: ونىڭ سىرتىمەن دە، ىشىمەن دە فوتو ارقىلى بولسا دا كوپشىلىك تانىس. جان-جاعىنان تۇسىرىلگەن ءتۇرلى سۋرەتتەردى دە كورىپ جاتىرمىز. سوندىقتان، مۇنارانى كوپشىلىك كورمەگەن تۇردە كورسەتەيىك دەپ شەشتىك، دالىرەك ايتقاندا يلليۋميناسياسى جوق كەزىن. ونىڭ مۇنداي ءتۇرىن ازا تۇتۋ نەمەسە جەر ساعاتى ۋاقتىندا كورۋگە بولادى.
ءبىر ايتارىمىز، مۇنارانىڭ ەڭ بيىك جەرىنە شىعۋ بيلەتى 25 ەۋرو تۇرادى. ءليفتسىز ارزانىراق بولادى.
You Might Also Like
-
جاقسى كورۋ دەگەن ءبىر ۇلى قاسيەت بار. بۇل سەزىم ايەل ادام مەن ەر ادام اراسىندا پايدا بولادى. «ماحاببات، جاقسى كورۋ دەگەنىمىز نە؟» دەگەن سۇراقتى قويساق بارلىعى وزگەشە ەتىپ ايتىپ بەرەر ەدى...
