تاريح - تاعىلىم الاڭىنا اينالۋى ءتيىس
تاريح عىلىمى - ادامزاتتىڭ وتكەنىن زەرتتەيتىن قوعامدىق عىلىم. ال تاريحقا كەلەر بولساق ول ادامزاتقا تەك وتكەنىن ۇمىتپاس ءۇشىن قاتتالعان وقيعالار ەمەس بولاشاقتا قاتەلەسپەۋى ءۇشىن جازىلعان ەرەجەلەر. ياعني ادام بالاسى ءۇشىن وتكەن تاريحىن تەرەڭ زەرتتەپ، ودان دۇرىس قورتىندى شىعارمايىنشا بولاشاققا قادام باسۋ مۇمكىن ەمەس. تاريح بىزگە كەلەسى قادام جاساۋعا پايدالاناتىن كومپاس. ادام ساناسىنىڭ دامۋى نەمەسە قۇلدىراۋىنا بايلانىستى تاريح ءار ۋاقىتتا ءار ءتۇرلى جاسالىنىپ، ءار ءتۇرلى ءادىس تاسىلدەرمەن زەرتتەلىنىپ كەلدى. ادام بالاسىنىڭ كۇندەلىكتى ءىس ارەكەتى ونىڭ قوعاممەن بايلانىسى ءبارى تاريح بولىپ ساقتالىنىپ وتىراتىندىقتان تاريح عىلىمى ادامزاتپەن بىرگە ءومىر سۇرمەك، ياعني ادامزاتتان بۇرىن جوعالماق ەمەس. سوندىقتان تاريح عىلىمىنىڭ ماڭىزى قاجەتتىلىگى وتە جوعارى. قازىرگى ۋاقىتقا پايىمداپ قارايتىن بولساق وركەنيەتتى ەلدەر جالپى ادامزات وتكەن تاريحقا اسا پاراساتتىلىقپەن زەر سالىپ وتكەنگە ءجيى ۇڭىلۋدە. تەك وركەنيەتتى ەلدەر عانا ەمەس بىزدە دە وتكەن تاريحىمىزدى زەرتتەۋدە جاڭا قادامدار جاسالىنۋدا جاڭاشا جوبالار ماڭىزدى ءىس شارالار قولعا الىنۋدا. ءبىراق ءبىز وتكەن تاريحىمىزدى جاتقا بىلگەنىمىزبەن ودان قورتىندى شىعارۋداعى جازا باسقان قادامدارىمىز، نەمەسە بولعان وقيعالاردى بۇرمالاۋ ونى جاسىرۋ سىندى ورەسكەل قاتەلىكتەرىمىز بار ەكەنىن مويىنداۋىمىز كەرەك. وتكەن عاسىرعا كوز سالار بولساق ءبىزدىڭ ەل، ءبىزدىڭ ۇلت ءۇشىن كەشىرىلمەس قاتىگەزدىك ادام توزبەس ايۋاندىق جاسالعانىن ءبارىمىز بىلەمىز. ال ءبىز ءقازىر تاۋەلسىز مەملەكەت تۇعىرلى ەلمىز دەپ ايتامىز ءبىراق سول سوۆەت يدەولوگياسى قانىنا سىڭگەن، ءومىر جولىندا سونى بويتۇمار قىلىپ ۇستاعان، سول يدەولوگيانىڭ ورىندالۋىن ءالى كۇنگە سارىلا اڭسايتىن كسرو سارقىنشاقتارىنىڭ قوعامنىڭ بەلگىلى ءبىر بولشەگى رەتىندە بۇگىنگى كۇندە تاريحتىڭ دۇرىس زەرتتەلىپ زەردەلەنۋىنە جول بەرمەي، جاس ۇرپاقتىڭ بولاشاعىن ايقىن كورسەتپەۋى ارينە وكىنىشتى. تاريح قايتالانادى دەيدى. ءبىراق ونىڭ نەشە عاسىردا نەمەسە قانشا جىلدان كەيىن قايتادان كورىنىس بەرەتىندىگىن ەشكىم كەسىپ ايتا الماسى انىق. قاريا تاريحتىڭ كونە پاراعى مىندەتتى تۇردە ءبىر عاسىردا نەمەسە ءجۇز ەلۋ جىلدان كەيىن قايتادان قايىرىلا اشىلادى دەپ ەشكىمنىڭ دە كەسىپ-پىشىپ ايتا المايتىنى سەكىلدى، ونىڭ اينالىپ كەلمەسىن دە ەشكىم جالعانعا شىعارا المايدى. سەبەبى ءبۇل-بارىبىر بولماي قويمايتىن اكسيوما. تاريح تاجىريبە الاڭىنا اينالۋى ءتيىس. تاريحتىڭ قايىرىلىپ سوقپاي، قايتالانباي قويمايتىن تاعى ءبىر شىندىعى بار. مىنە، تاريحي تاجىريبە سوندا عانا ءسىز بەن بىزگە زەردەلى تاڭداۋ، دۇرىس پايىم جاساتادى.
ءقازۇۋ-نىڭ 1-كۋرس ماگيسترانتى بازارباي ءداۋىت، ت.ع.ك.، دوسەنت مۇحاجانوۆا تولقىن
You Might Also Like
-
ءوز توپشىلاۋىم بويىنشا، ادامنىڭ قاي مىنەزى قاسيەتتى بولسا، سول مىنەزى ءمىنى دە بولادى.
-
ونى كوز كورگەن ۇلكەندەر اراب ءسوزىنىڭ ناشىمەن «ياعىمۋس» دەپ اتايتىن، ال اۋىلدىڭ ءتىل مەن جاعىنا سۇيەنگەن قىلجاقباس جاستارى «جاعىمسىز» دەيتىن.
