تىرلىكتىڭ تاڭىرقاتقان تۇستارى
ادام نەلىكتەن ءتۇس كورەدى؟ ودان كەيدە جۇرەك تىتىركەنىپ، جاماندىق كەلە جاتقانداي سەسكەنىپ، ال كەيدە قۋانىش ەسىك قاققالى تۇرعانداي قاناتتانۋىمىز نەلىكتەن؟ ال (جانى ءجانناتتا بولسىن) ارۋاقتاردىڭ تۇستە ايان بەرىپ نەمەسە ءوزىنىڭ سەنىڭ ىسىڭە ريزا ەمەستىگىن نەمەسە كەرىسىنشە ريزاشىلىعىن ءبىلدىرۋىن قالاي تۇسىندىرۋگە بولادى؟ بالا كەزىمدە ايتقان انامنىڭ ءبىر ءتۇسى ەسىمنەن كەتپەيدى. تۇرمىسقا شىققاننان كەيىن كورىپتى: اپپاق وتاۋ ءۇيى بار ەكەن دەيدى، دالاعا شىقسا ءۇيىنىڭ ءدال توبەسىندە ءبىر توپ اي تۋىپ، ءبىر توپ كۇن شىعىپ تۇرىپتى. ءبىر كەزدە قارا بۇلت كەلىپ، بىر-ەكەۋىن الىپ كەتىپتى. سول كەزدە ءوزى جورىعانىنداي، كەيىننەن ءبىر توپ ۇلى، ءبىر توپ قىزى بولدى. ءبىر ەكەۋىنىڭ شەتىنەگەنى دە راس. سول ءبىر توپ كۇننىڭ بىرەۋى مەن شىعارمىن، ءسىرا. مىنەزىمنىڭ تولىپ جاتقان كەمشىلىكتەرى مەن ءومىرىمنىڭ ايتارلىقتاي ولقىلىقتارىنا قاراماستان، مەن دە اينالاما ءسال-سال بولسا دا ساۋلە ءتۇسىرىپ كەلە جاتىرمىن-اۋ دەگەن ءۇمىتىم بار. ءبىراق وسى جايلاردى ءسوز باسىندا كەلتىرە وتىرىپ ايتايىن دەگەنىم، ءوزىم كورگەن تۇستەر حاقىندا. ولار ءار الۋان، ومىرىمدەگى ءتۇرلى جاعدايلارمەن تىكەلەي بايلانىستى. مۇمكىن ولار ءتۇس جونىندە زەرتتەۋ جاسايتىنداردىڭ قاجەتىنە جارار. ولاي بولماعان كۇننىڭ وزىندە دە، وقىرمان ءۇشىن قىزىقتى ەكەنىنە كۇمانىم جوق. ويتكەنى وزدەرى دە تالاي تاڭعاجايىپ ءتۇس كورىپ جۇرگەندەر كوپ.
You Might Also Like
-
(مەلس ءقازىر رەسپۋبليكالىق اقىندار ايتىسىنىڭ بىرنەشە دۇركىن جەڭىمپازى. فيلولوگيا عىلىمدارىنىڭ كانديداتى، قازاقستان رەسپۋبليكاسىنىڭ مادەنيەت قايراتكەرى.)
-
بالا كەزىمنەن دەنساۋلىقتىڭ جوقتىعىنان زارداپ شەككەن مەن، تۇرمىسقا شىققاننان كەيىن دە، ونىڭ كەمدىگىنەن از قورلىق كورگەن جوقپىن. قىزمەتكە ورنالاسقاننان كەيىن، ايتەۋىر ءتۇرلى ەمدەلۋ ورىندارىندا بولىپ، ...
