InfoHub Logo

قارقارالىنىڭ مەملەكەتتىك ۇلتتىق تابيعي ساياباعى

قارقارالى مەملەكەتتىك ۇلتتىق تابيعي پاركى - قاراعاندى وبلىسىندا ورنالاسقان قازاقستاننىڭ ۇلتتىق پاركى. قازاقستاننىڭ ايرىقشا قورعالاتىن تابيعي ايماقتار قاتارىنا كىرەدى. ايماقتىڭ تابيعي قورعاۋ باعالىلىعى ورتالىق قازاقستانعا عانا ءتان ءتۇرلى لاندشاۆتتارمەن بەلگىلى. 1998 جىلدىڭ 01 جەلتوقسانىندا № 212، ق ر وكىمەتىنىڭ قاۋلىسىمەن ۇيىمداستىرىلعان. 2009 جىلدىڭ 6 اقپانىنداعى № 122 «قاراعاندى وبلىسىنىڭ ايرىقشا قورعالاتىن تابيعي جەرلەر تۋرالى ماسەلەلەر» ق ر وكىمەتىنىڭ قاۋلىسىمەن پارك اۋماعى 90323 گەكتاردان 112120 گەكتارعا اۋقىمداندى.

فلورا. نەگىزى ورماندى قۇرايتىن تۇقىمدار. قاراعاي، اققايىن، كوكتەرەك، تال، ارشا. فلورانىڭ وزگەشەلىگى- مۇز ءداۋىرى كەزىنەن قالعان وسىمدىكتەرىنىڭ كوپتىگى، سيرەك جانە جويىلىپ بارا جاتقان وسىمدىكتەردىڭ ءتۇرى 66. قىزىل كىتاپقا ەڭگىزىلگەن وسىمدىكتەر: قارقارالى ءبورىقاراقاتى، قارقارالى ءسىلدىرشوبى، تىقىر سفاگنۋم مۇگى، قىرعىز قايىن، جىڭىشكە كوكنار، كوكتەم جانارگ ۇلى.

فاۋنا. قوسمەكەندىنىڭ 2 ءتۇرى، رەپتيليانىڭ 6 ءتۇرى، سۇتقورەكتىلەردىڭ 40 ءتۇرى جانە 114 قۇستار ءتۇرى.

اۋا رايى. قارقارالى ۇلتتىق پاركىنىڭ اۋا رايى اينالاداعى ايماققا قاراعاندا ءبىر قالىپتى. اۋانىڭ جىلدىق ورتا تەمپەراتۋراسى - 2 گرادۋس جىلى. شىلدەدە كوبىنە +18،+20 گرادۋس، قاڭتاردا -12،-15 گرادۋس.

قارقارالى مەملەكەتتىك ۇلتتىق تابيعي پاركىندە جىلدا جۇيەلىلىك زەرتتەۋلەر جۇرگىزىلەدى. ۇلتتىق پاركتىڭ قۇرىلۋىنان باستاپ بۇل جەردە مەملەكەتتىك ينسپەكتورلاردىڭ جانە وزدەرىنىڭ باقىلاۋلارىنىڭ ناتيجەلەرىن بىرىكتىرەتىن عىلىمي ءبولىم جۇمىس ىستەيدى. كوپ جىل بويى ە. ا. بوكەتوۆ ات. قارمۋ عىلىمدارى مەن ستۋدەنتتەرىنىڭ بازاسى بولاتىن، بۇل جەردە بيولوگيا مەن ەكولوگيادان كلاسسيكالىق جۇمىستار جۇرگىزىلگەن، جىلدا ارحەولوگيالىق زەرتتەۋلەر جۇرگىزىلىپ وتىرادى.

قازىرگى كەزدە مەملەكەتتىك ۇلتتىق تابيعي پاركتىڭ قىزمەتى، قازاقستان رەسپۋبليكاسىنىڭ اۋىل شارۋاشىلىعى مينيسترلىگى ىشىندەگى «ورمان جانە اڭشىلىق شارۋاشىلىعى كوميتەتى» بەكىتكەن «قارقارالى مەملەكەتتىك ۇلتتىق تابيعي پاركى تۋرالى» ەرەجەمەن بەلگىلەنەدى.

---