تۇلكى مەن قاسقىر
ەرتەدە تۇلكى مەن قاسقىر ايىرىلماس دوس بولىپتى. ءبىر كۇن ەكەۋى جورتىپ كەلە جاتىپ، جول ۇستىندە جاتقان ءبىر كەسەك ەتتىڭ ۇستىنەن شىعىپتى. ەتتى تۇلكىنىڭ دە، قاسقىردىڭ دا جەگىسى كەلەدى.
قاسقىر قاسىنداعى تۇلكىگە:
— ال، سەن جەي عوي، دوستىم، – دەپتى جول بەرىپ.
تۇلكى ارسالاڭداي كۇلىپ:
— مەنىڭ اۋزىم ورازا عوي، دوستىم، بىلمەۋشى مە ەدىڭ؟ سەن-اق جەي بەر، – دەيدى.
قاسقىر ەتتى جەمەك بولىپ، تۇمسىعىن سوزادى. ەندى شەتىنەن تىستەي بەرگەندە، موينىن قاقپان قاۋىپ الادى. ەت ءبىر شەتكە ۇشىپ تۇسەدى. تۇلكى ەتتى قاعىپ الىپ، قىلعي سالادى.
مۇنى كورىپ تۇرعان قاسقىر:
— ەي، دوستىم-اۋ، سەنىڭ اۋزىڭ ورازا ەمەس پە ەدى؟ – دەپ سۇرايدى.
تۇلكى قىلمىڭ قاعىپ:
— مەنىڭ اۋزىمداعى ورازا اشىلىپ، سەنىڭ موينىڭا ءتۇستى عوي، – دەپ زىتا جونەلىپتى.
You Might Also Like
-
ەينشتەيننىڭ ومىرلىك ساباقتارىن ءتۇسىنۋ ءۇشىن سىزگە فيزيكا مەن ماتەماتيكانى جەتىك ءبىلۋ قاجەت ەمەس.
-
ەرتەدە اتىراۋ بويى تۇرعىندارىنىڭ باتاگوي اقساقالى – باقان دەيتىن بالىقشى قارت بولىپتى. كۇن رايىن باقىلاپ، داۋىل مەن جاۋىن-شاشىن بولاتىن كۇندەر...
