ءۇش جۋا
بiر تۇپتە ءۇش جۋا قاتار ءوستi. ولاردىڭ بويلارى دا ءۇش ءتۇرلi بولدى. بiرi ۇزىن، بiرi ورتاشا، بiرi وتە قىسقا ەدi. بۇلاردان باسقا جۋالار جەكە-دارا ءوسiپ شىقتى. بiر كۇنi الاي-دۇلەي داۋىل تۇرىپ ساياق وسكەن جۋالاردىڭ بiرنەشەۋiن جۇلىپ اكەتتi. ءۇش جۋا امان-ەسەن قالدى. داۋىل باسىلعان سوڭ ءۇش جۋا كورشi جۋانى داۋىل ۇشىرىپ اكەتكەنiن بiلدi. سوندا ەڭ ۇلكەن جۋا:
— مەنiڭ ارقامدا امان قالدىڭدار، ويتكەنi مەن سەندەردەن iرiمiن. ماعان داۋىلدىڭ ءالi كەلمەدi، — دەپ قالعان جۋالارعا سەس كورسەتە باستادى. كۇندەر وتسە دە، ءۇش جۋا سول ءۇش ءتۇرلi قالىپتارىن ساقتاي ءوستi. Iرi جۋا بۇرىنعىسىنان دا ۇزارىپ ءوستi. ول ەندi ەكi باۋىرىن باسقا جاققا قۋا باستادى.
— سەندەر مەنiڭ ءسانiمدi كەتiرەسiڭدەر، بۇل جەردەن كەتiڭدەر! — دەدi. ەكi جۋا باۋىرلارىنان ءبولiنiپ، سول ماڭعا ورنالاستى. ولار بiر تۇپتە ەكەۋi ءوسiپ جاتتى. ارادا بiراز كۇن وتكەندە iرi جۋا ودان ءارi تولىسىپ، اپ-ادەمi ايداي سۇلۋلانىپ كەتتi. ونىڭ ساباعىنىڭ ۇشىنا ءسۇيiرلەنiپ ءدان قاۋىزدانا باستادى. ونىڭ ماقتانىشى قوينىنا سىيماي ەكi باۋىرىنا:
— سەندەردi قۋىپ جiبەرگەنiم قانداي جاقسى بولعان. ايتپەسە بۇلاي سۇلۋلانباس ەدiم، — دەدi. سوندا ەكi جۋانىڭ بiرi:
— ۇشەۋمiز بiر تۇپتە قاتار تۇرعانىمىزدا بiزدiڭ سۇلۋلىعىمىز ەرەكشە كوزگە تۇسەر ەدi. جۇرت تاڭ قالىپ “قاراشى قانداي كەرەمەت، بiر تۇپكە ءۇش جۋا بiردەي وسكەن. قانداي تاتۋ، باۋىرمال. بۇلاردى ءۇش قانات بوپ بiرگە تۇرعاندا ەشقانداي جاۋ جەڭە المايدى” دەپ تامساناتىن ەدi، — دەدi.
— قانداي جاۋ، كiم مەنi جەڭبەك. توقتاتشى وسىنداي ءسوزiڭدi! — دەدi iرi جۋا.
كەنەت اياق استىنان قاتتى داۋىل تاعى دا سوقتى. بۇل جولعىسىنىڭ ەكپiنi بۇرىنعىسىنان دا قاتتى بولدى. ول iرi جۋانى قاق بەلدەن مورت سىندىرىپ ءدان شاشىپ ۇلگەرمەگەن قاۋىزىن ۇشىرىپ اكەتتi. ال ەكi جۋا بiر-بiرiن تاس قىپ قۇشاقتاپ داۋىلعا توتەپ بەردi. داۋىل باسىلعان سوڭ ولار باسسىز قالعان باۋىرلارىن كورiپ قاتتى ايادى. ونى دەرەۋ ءوز قامقورلىقتارىنا الدى. جۋانىڭ سىنىپ كەتكەن باسى ساپ-سارى بوپ دوڭگەلەنە بiتتi. ەكi جۋا بويلارىنداعى بار قۇنارىن باۋىرلارىنا بەرiپ، از-اق كۇندە ونىڭ كۇش جيناۋىنا كومەكتەستi. ولار قايتا بiر تۇپكە شوعىرلاندى. بiراق سىپتاي اپ-ادەمi ەكi جۋانىڭ قاسىندا مورت سىنعان جۋا كوزگە قوراش كورiنiپ تۇردى.
You Might Also Like
-
«بالاڭنىڭ اتىن ۇلىق قوي. كوتەرە السا ۇلىق بولسىن» دەگەن قازاقي قاعيدانى بەرىك ۇستانعان دۇيسەنبى قارت، جالعىزى «ەسپەنبەت» دەگەندە شىعار جانى بولەك. ەسپەنبەتىنەن كۇتەرى مول. ج...
-
قاتار ءوسىپ تۇرعان ەكى بيدايدىڭ ءبىرىنىڭ باسى كۇن وتكەن سايىن اۋىرلاپ ابدەن ءيىلىپ كەتتى. ال قاسىنداعىسى باسىن كوتەرىپ تىپ-تىك تۇر. ونى شىرماۋىق وراپ العان. ءبىر كۇنى تىك تۇرعان بيداي شىرماۋىققا:
