ۇستازدىق - ۇلى ءىس
ەگەمەندى ەلىمىزدىڭ ءوسىپ كەلە جاتقان ۇرپاعىن ويلى دا ىسكەر، وزىنە-وزى سەنىمدى، ينتەللەكتۋالدىق دەڭگەيى بيىك ازامات ەتىپ تاربيەلەۋدە مەكتەپتىڭ الاتىن ورنى ەرەكشە. جاس ۇرپاقتى جان-جاقتى جەتىلگەن، اقىل-پاراساتتى، ءوي-ورىسى بيىك، باسەكەگە قابىلەتتى ازامات ەتىپ تاربيەلەۋ - قوعامىمىزدىڭ ەڭ وزەكتى ماسەلەسى. «ۇستازدىق-ۇلى ءىس» دەپ كەمەڭگەر جازۋشىمىز م.اۋەزوۆ ايتقانداي، بۇعان لايىق بولۋ- ۇلكەن ابىروي، باستى بورىشىم دەپ ەسەپتەيمىن.
ءمۇعالىم-ماماندىق بولسا، ۇستازدىق قاسيەت، تابيعات دارىتقان قۇدىرەت ەكەن. بويىڭا قۋات، جۇرەگىڭە جارىق جىگەر بەرىپ ورگە سۇيرەيتىن دە، جانىڭا ازىق، ومىرىڭە وزەك بوپ تورگە سۇيرەيتىن دە وسى ۇستازدىق قاسيەت. قازاق ءتىلى مەن ادەبيەت ءپانىنىڭ ءمۇعالىمى بولۋ مەن ءۇشىن ۇلكەن ماقتان ءارى باقىت. شاكىرتتەرىڭدى كورگەندە ءوز ەڭبەگىڭە دەگەن ريزاشىلىق پەن ەرەكشە قاناعات سەزىمدى بايقايسىڭ. ودان ءارى قۇشتارلانا، ىنتالانا اسا ءبىر ماحابباتپەن، سەزىممەن العا ۇمتىلاسىڭ. باسقاعا كەرەك بولۋ ءۇشىن جارالۋدىڭ وزىندە ۇلكەن ءمان مەن ماعىنا جاتقانىن ايقىن اڭعاراسىڭ. ازدى-كوپتى ەڭبەگىڭ باعالانىپ جاتسا، قولىڭنان ءىس كەلەدى دەپ سەنەتىن ارىپتەس تابىلىپ، شىن نيەتىمەن قامقورلىق جاساپ، جۇمىس ىستەۋگە جاعداي جاساسا، كاسىبي شەبەرلىگىڭ مەن ۇستازدىق قىزمەتىڭە ەرەكشە نازار اۋدارسا، كىم-كىمگە دە بولسىن سەرپىلىس اكەلەدى.
قازىرگى وقىتۋ ۇيرەتۋدىڭ مازمۇنى دا، سيپاتى دا سوعان، وراي امال - تاسىلدەرى دە كۇردەلەنە ءتۇستى. جاڭا XXI عاسىرعا ساي وزگەشە قابىلەت - قاسيەتكە يە ۇرپاق قالىپتاسىپ كەلەدى. ءبىزدىڭ مىندەتىمىز - جەكە تۇلعانى دامىتىپ، بىلىمگە دەگەن سەنىمىن نىعايتۋ، وقۋعا قىزىعۋشىلىعىن وياتىپ، ىنتاسىن ارتتىرۋ. وقۋشىلاردى زامان اعىمىنا ساي تۇلعا ەتىپ تاربيەلەۋ باستى ماقساتىمىز.
وقۋشى جەتىستىگى - ۇستاز ابىرويى. ۇستاز ەڭبەگى شاكىرت جەتىستىگى ارقىلى كورىنەدى. ءاربىر ۇستازدىڭ ماقساتى - قابىلەتتى وقۋشىلاردى زەرتتەي ءجۇرىپ، ولارمەن بىرلەسكەن تىنىمسىز ەڭبەكتىڭ، شىعارماشىلىق ىزدەنىستىڭ ناتيجەسىن كورۋ.
ماقالا اۆتورى: قازاق ءتىلى مەن ادەبيەتى ءپانى ءمۇعالىمى: مۇقاشوۆا گۇلباقىت ميراسبەك قىزى
ت.اۋباكىروۆ اتىنداعى جالپى نەگىزگى ءبىلىم بەرەتىن مەكتەبى
You Might Also Like
