«ۇزدىك Online Mektep 2020» رەسپۋبليكالىق بايقاۋى باستالدى!
نازار اۋدارىڭىز! 2020 جىلدىڭ 2 قازانىنان باستاپ 5 قاراشا ارالىعىندا «ۇزدىك Online Mektep 2020» رەسپۋبليكالىق بايقاۋى وتەدى. بۇل قازاقستاننىڭ بارلىق OnlineMektep پلاتفورماسىنا قوسىلعان كەز كەلگەن مەكتەبىنە 15 BilimBook ينتەراكتيۆتى پانەلدەرىن ۇتىپ الۋ ءۇشىن ەرەكشە مۇمكىندىك. بايقاۋعا مەكتەپ اتىنان مەكتەپتى باسقارۋ بولىمىنە كىرۋ مۇمكىندىگى بار 1 وكىل قاتىسا الادى.
بايقاۋ ماقساتى: OnlineMektep.org پورتالىندا قاشىقتان وقىتۋدىڭ دەڭگەيى مەن ساپاسىن ارتتىرۋ.
بايقاۋعا قاتىسۋدىڭ شارتتارى:
1. OnlineMektep.org پلاتفورماسىندا كەلەسى مالىمەتتەر تولىق تولتىرىلعان بولۋى قاجەت:
● مەكتەپتىڭ تولىق ساباق كەستەسى (بەكىتىلگەن ءپان مۇعالىمدەرىمەن بىرگە)؛
● ساباق پەن ءۇي تاپسىرماسىنا باعا قويىلعان جۋرنال؛
● وقۋشىلار مەن ۇستازداردىڭ اعىمداعى (اككاۋنتتار) ءتىزىمى.
2. Facebook الەۋمەتتىك جەلىسىنە بايقاۋعا قاتىسۋ تۋرالى پوستتى مەكتەپ اكىمشىلىگى نەمەسە مۇعالىمدەر جاريالاۋ كەرەك. پوست كەلەسى مالىمەتتەردەن تۇرۋ قاجەت:
2.1 كەم دەگەندە ەكى سكرينشوت جاسالۋ قاجەت: تولىق تولتىرىلعان ساباق كەستەسى (ءپان مۇعالىمدەرىمەن بىرگە)، كەز كەلگەن سىنىپتىڭ ساباق پەن ءۇي تاپسىرماسىنا باعا قويىلعان جۋرنالى (وقۋشىنىڭ ءاتى-جونىن كورسەتۋدىڭ قاجەتى جوق)؛
2.2 پوستتىڭ سيپاتتاماسىندا قاتىسۋشىنىڭ مەكتەبىندە قاشىقتان وقىتۋدىڭ قالاي ءجۇرىپ جاتقانى جايلى قىسقاشا جازىپ، #OnlineMektep2020 حەشتەگىن جازىپ، @BILIM Land پاراقشاسىن بەلگىلەۋى قاجەت؛
2.3 قاتىسۋشى بايقاۋ كەزىندە Facebook-تەگى پاراقشاسى اشىق بولۋى كەرەك؛
2.4 Facebook-تەگى @BILIM Land پاراقشاسىنا جازىلۋ قاجەت.
3. قاتىسۋشى @BILIM Land پاراقشاسىندا كورسەتىلگەن Google فورماسىن مىندەتتى تۇردە تولتىرىپ، بايقاۋعا تىركەلۋ قاجەت.
جەڭىمپازداردى انىقتاۋ:
جەڭىمپازدار ق ر ءار وبلىس بويىنشا كەزدەيسوق ساندار گەنەراتورى كومەگىمەن انىقتالادى.
قازاقستان رەسپۋبليكاسىنىڭ ءار وبلىسىنان OnlineMektep.org پلاتفورماسىنا قوسىلعان 1 مەكتەپ بايقاۋ جەڭىمپازى بولادى.
* جەڭىمپازداردى انىقتاعاننان كەيىن بارلىق شارتتاردىڭ ورىندالۋى تەكسەرىلەدى، ەگەر بايقاۋ شارتتارى ورىندالماعان نەمەسە تولىق ورىندالماعان جاعدايدا، ءبىز جۇلدەنى تابىستاماۋعا جانە/نەمەسە قايتا ويناتۋعا قۇقىعىمىز بار.
** قاتىسۋشىلار سانى 1000 مەكتەپتەن از بولسا، بايقاۋ مەرزىمى ۇزارتىلادى.
*** ينتەراكتيۆتى پانەل تەك زاڭدى تۇلعاعا، ياعني مەكتەپتىڭ اتىنا بەرىلەدى.
بارلىق قاتىسۋشىلارعا ساتتىلىك تىلەيمىز!
You Might Also Like
-
— بىلاي عوي…؟ — دەدى ۇرتىنداعى ەتتى ەكى ازۋىنا كەزەك-كەزەك الماستىرا وتىرىپ شايناڭداعان كۇيى. شانىشقىنى ۇستاپ، تارەكەلكەدەگى قياردى اسا وشپەندىلىكپەن قاداپ الدى دا، اۋزىنا اسىعىس...
