InfoHub Logo

بۇرىنعى زاماندا ءۇش اعايىندى كىسى بار ەكەن. ولاردىڭ ورتاسىندا جالعىز وگىزى بار ەكەن. ءبىر كۇنى وگىزى بۇنى-قانى بولىپ، توگىسىپتى.

بۇل وگىز سۋساعان ەكەن دەپ، ۇشەۋى وگىزدى جەتەكتەيدى. بىرەۋى جەتەلەپ الدىن، بىرەۋى ۇستىنە ءمىنىپ الدى، بىرەۋى ارتىنان ايداپ الدى. ءسويتىپ، ەرتەمەن كەلە جاتسا، الدىنان ءبىر كىسى جولىقتى. باياعى ۇشەۋى جولىققان كىسىدەن سۇرايدى:

— كول، سۋ الىس پا؟ — دەپ. سونان سوڭ الگى كىسى ايتتى:

— ەرتەرەك بار، جەتكەنشە كول سۋالىپ قالادى، — دەدى. اندا باسىن جەتەلەگەن كىسى ايتتى:

— الداعىمىزعا بارىپ ايتىڭىز، وگىزدى جىلدام ايداسىن، — دەدى.

سونان سوڭ الگى كىسى ءجۇرىپ، تۇستە وگىزدىڭ بەلىندەگىگە كەلدى. ول ايتتى:

— وگىزدى جىلدام ايداسىن دەپ ايتادى الداعى كىسى، — دەدى. سونان سوڭ باياعى ايتقان كىسى كۇن باتقاندا وگىزدىڭ قۇيرىعىنداعى كىسىگە كەلدى. سونان سوڭ وگىزدى جىلدام ايداپ، كولگە كەلىپ، ءبىر كولدى ءبۇتىن ءىشىپ، ءبىر كولدى ءىشىپ جاتقاندا، سول كولدەن بالىق شىعىپ، وگىزدى سورىپ كەتتى. سول وگىزدى سورعان بالىقتى ءبىر بۇركىت كەلىپ، الىپ كەتتى. بۇركىت قايدا قونارىن بىلمەي، ءبىر ەشكى قايتارعان شالدىڭ تەكەسىنىڭ مۇيىزىنە بارىپ قوندى. سول ەشكى قايتارعان شال قورقىپ، تەكەنىڭ ساقالىنا جابىسادى. سونان سوڭ بۇركىت وگىزدى جەپ بىتىرگەندە، وگىزدىڭ ءبىر ءدالىنى تۇمسىعىنا ىلىنبەي، ءتۇسىپ كەتتى. ءتۇسىپ كەتكەندە، جەرگە تۇسپەي، شالدىڭ كوزىنە تۇسەدى. شال ۇيىنە بارادى.

— كوزىمە ءشوپ ءتۇستى، — دەپ. سونان سوڭ شالدىڭ كوزىنە ءۇش ازامات كىرىپ، شالدىڭ كوزىندەگى ءدالىنى سۇيرەتىپ شىعادى.

سونان سوڭ ءبىر توپ كەرۋەن كەلىپ، قاراڭعىدا ءدالىنىڭ ۇستىنە قونادى. سول قونعان كەرۋەن ءجۇز كىسى ەكەن، ول ەرتەمەن تۇرىپ، ءشاي ءىشىپ جاتسا، وتىرعان جەرى قيمىلدايدى. شال شايقالىپ، ەكى جاقتى قاراسا، سول دالانىڭ ءبىر باسىندا ەت قالعان ەكەن دەيدى. سونى تۇلكى جەپ جاتىر ەكەن. ءجۇز كىسى باياعى تۇلكىنى قۋىپ، ۇستاپ الادى. ءبىر جاق قاپتالىن سويىپ الىپ، شەك-ارقاسى تەبەتەي بولادى. ءبىر جاق قاپتالىن وراي الماي، كەتىپ بارا جاتسا، ءبىر كەمپىر كەلە جاتىر ەكەن. سونى كەمپىرگە ايتىپتى بولعان وقيعانى. سونان سوڭ كەمپىر كەلىپ، ءبىر قولىمەن الا سالدىرىپ، سويىپ الىپ، ۇيىنە الىپ بارىپ، بەسىكتەگى بالاسىنا تەبەتەي شىقپاي، ءبىر كىشكەنە مالاقاي شىعادى ەكەن. سوندا سۇراعانى: وگىز شوڭ با، بالا شوڭ با، تۇلكى شوڭ با، بۇركىت شوڭ با؟ — دەدى.

---