InfoHub Logo

Қазақ тілінің жетілуі заман талабына сай өзгеріп отырғаны бізге мәлім. Тарихқа жүгінсек, қазақ халқы өзге түркі халықтары сияқты 4-5 ғасыр бойы араб жазуын пайдаланды. ХХІ ғасырдың екінші жартысынан бастап зиялылар, ағартушылар, қазақтың ұлттық жазба әдеби тілін қалыптастыру үшін оның дыбыстық жүйесін толық бере алатын жаңа алфавит қабылдауды күн тәртібіне қоя бастаған.

Латын әліпбиін пайдалану Түркия, Әзірбайжан, Өзбекстан,  Түркіменстан сияқты мемлекеттердің тәжірибесінен сәтті өткен. Дүниежүзілік ақпаратта латын әліпбиінің орны үлкен. Сондықтан латын әліпбиіне көшу мәселесі кезек күттірмейтін міндет. Әлемдегі  қазақтар өздерінің тұратын мемлекеттеріне қарай араб, латын, кириллица таңбаларына негізделген әліпбиді қолдануда. Осы тұрғыдан келгенде ортақ әліпбидің болуы халқымыздың бір-бірін түсінуіне оң ықпал тигізетіні бұған дейін сан мәрте айтылды. Оны бүгін қайта дәлелдеудің қажеті де жоқ.

А.Байтұрсынов  атындағы №211 орта мектепте 9-11 сынып оқушыларының арасында ақпан айында дөңгелек үстел өтті. Дөңгелек үстелдің мақсаты - Елбасының «Болашаққа бағдар: рухани жаңғыру» мақаласы негізінде айтылған латын әліпбиіне өтуге байланысты талқылау болды.

Қараева Гүлназ Шәймерденқызы

---