10-synyp oqýshylaryna bıznestiń qyr-syry úıretiledi
2019 jyldan bastap 10-synyp oqýshylary kásipkerlik pen bıznes negizderin oqıtyn bolady. Bul týraly búgin Ortalyq komýnıkasıalar qyzmetindegi baspasóz máslıhatynda QR BǴM Mektepke deıingi jáne orta bilim departamentiniń dırektory Sholpan Karınova aıtty.
«Bul baǵdarlama mınıstrlik tarapynan «Atameken» Ulttyq kásipkerler palatasymen birge ázirlendi. Búgingi kúni oqý baǵdarlamasy daıyn. Oqýlyqtar daıyndyq ústinde. Jalpy oqýshylarǵa tek pándik bilim berip qana qoımaı ómirlik daǵdylarǵa baýlý, ómirde óz ornyn tabýǵa jáne alǵan bilimderin ómirde paıdalana bilýge úıretý - bul jańartylǵan bilim mazmunynyń negizgi ustanymy. Sondyqtan kásipkerlik jáne bıznes negizderin oqytý búgingi zaman talaby», - dedi Departament basshysy.
Onyń sózine qaraǵanda, mınıstrlik «Atameken» UKP-men oqý baǵdarlamasyn ázirleý barysynda oqýshylardyń, muǵalimderdiń jáne bıznesmenderdiń pikirlerin eskergen.
«Oqýlyqtar búgingi kúni saraptamaǵa tapsyryldy. Jalpy 10 synypta osy pándi parıtettik oqý jospary bóliginde oqytý kózdelgen edi. Biraq bizde 10-synypqa jańartylǵan bilim mazmunyn engizý 2019-2020 jyldary júrgiziledi. Sondyqtan bir jyldan keıin atalǵan oqýlyqtar tıisti saraptamalyq jumystardan ótkizilip, engiziledi», - dedi Sholpan Karınova.
QazAqparat
You Might Also Like
-
Aldaǵy oqý jylynan bastap 3, 6 jáne 8-inshi synyp oqýshylary oqýlyqtardy planshetke júktep oqı alady. Bul týraly búgin Ortalyq komýnıkasıalar qyzmetindegi baspasóz máslıhatynda QR BǴM Mektepke deıing...
-
Kóp nársege qol jetkizgisi keletin, biraq jetistikke jete alatynyna senbeıtin jandarǵa arnalǵan birneshe keńes.
