InfoHub Logo

QR BǴM Mektepke deıingi jáne orta bilim departamentiniń dırektory Sholpan Karınova 3, 6 jáne 8 synypqa engiziletin jańa oqýlyqtardyń dástúrli oqýlyqtardyń aıyrmashylyǵyn aıtyp berdi.

«Jańa oqýlyqtardyń dástúrli oqýlyqtardan ózgesheligi jańartylǵan oqý mazmunynyń tujyrymdamasymen baılanysty. Onda daıyn kúıde este saqtaýǵa arnalǵan mátinderdiń, teorıalyq materıaldardyń azaıtylǵandyǵy anyqtaldy. İzdenýge jáne synı turǵyda oılanýǵa ıtermeıleıtin, oqýshylardy shyǵarmashylyq izdeniske talaptandyratyn tapsyrmalardyń, mátinderdiń kóbeıtilgendigi baıqalady.  Ómirmen baılanysty jáne oqýshynyń ózindik jumys jasaýyna kóp jaǵdaı jasalǵan, oqýlyqtaǵy materıaldar dıagram, grafıka, keste, ınfografıka túrinde kóptep berilgen. Jańartylǵan bilim berý mazmunyndaǵy  shıyrshyqtap kúrdelendirý ustanymy bekitildi», - dedi Sholpan Karınova búgin OKQ ótken baspasóz máslıhatynda.

Onyń aıtýynsha, búgingi kúni mınıstrlik jańa oqýlyqtardy aprobasıadan ótkizýde 5 satylyq júıemen jumys isteýde. Eń aldymen atalǵan oqýlyqtar respýblıkalyq ǵylymı-praktıkalyq oqýlyq ortalyǵynda pedagogıkalyq  jáne ǵylymı saraptamadan ótkizildi.

«2017 jyldyń qyrkúıek aıynda kelesi oqý jylynda engiziletin oqýlyqtar qoǵamdyq baqylaý portalyna ornalastyryldy. Aıta keterligi, atalǵan portalǵa 500-den astam adam  kiredi. 4500-den astam eskertýler men  usynystar tústi. Olardyń barlyǵy da oqýlyq ázirlep jatqan baspalarǵa jiberilip otyrdy jáne tıisti ózgerister engizildi. Búgingi kúni pándik komısıalar ekinshi otyrystaryn bastady. Olardyń quramdary 180 adamǵa tolyqtyryldy. Komısıa músheleri kelesi oqý jylynda oqý tizbesine engiziletin  oqýlyqtardy anyqtaý jumysyn júrgizip jatyr», - dedi departament basshysy.

Foto: ktk.kz

QazAqparat

---