2016 jyldyń qyrkúıeginen bastap elimizdiń barlyq mektepteri bilim berýdiń jańa mazmunyna kóshe bastaıdy - BǴM
2016 jyldyń qyrkúıeginen bastap elimizdiń barlyq mektepteri bilim berýdiń jańa mazmunyna kóshe bastaıdy.
Búgin QR Prezıdenti janyndaǵy Ortalyq komýnıkasıalar qyzmetinde ótken brıfıńte QR Bilim jáne ǵylym mınıstri Erlan Saǵadıev osylaı málim etti.
«2016 jyldyń qyrkúıeginen bastap Qazaqstannyń barlyq mektepteri fýnksıonaldyq saýattylyqqa negizdelgen bilim berýdiń jańa tásiline kóshe bastaıdy. Osylaısha bilim berý salasynda jańa mazmunǵa kóshýge tórt jyl ketetin bolady. Máselen, kelesi jyly 2, 5, 7 synyptar, sodan keıingi jyly basqa synyptar birtindep kóshedi. Osylaısha, 4 jyl ishinde biz elimizdiń mektepterindegi bilim berýdiń mazmunyn tolyq jańartatyn bolamyz», - dedi E. Saǵadıev.
Mınıstrdiń aıtýynsha, barlyq deńgeıde biryńǵaı bazalyq oqýlyq qamtamasyz etiledi. Osynyń arqasynda ár óńirde ártúrli oqýlyqpen oqytý múldem joıylady. «Birinshi synypta bir oqýlyqpen oqytylyp, onyń inisi kelesi jyly synypqa kelgende basqa oqýlyqpen oqytylatyn jaǵdaı bolmaıdy. Respýblıkamyzda biryńǵaı bazalyq oqýlyq qalyptasady», - dedi mınıstr E. Saǵadıev.
Avtor: Qanat Mámetqazyuly
You Might Also Like
-
Tisti aǵartatyn tis pastalary qanshalyqty tıimdi, tisti aǵartý qalaı júredi jáne dárigerdiń buǵan qatysy bolýy kerek pe, osy jáne basqa da suraqtardy talqylaımyz.
-
Atyraý qalasy №4 oblystyq shıpajaıly mektep-ınternatynyń 6 "a" synyp oqýshysy: Irsaınova Aıjan Erlanqyzy Tehnologıa pániniń muǵalimi Jetekshisi: Rysqalıeva Aıgúl Baǵytjanqyzy
