InfoHub Logo

2017 jyldan bastap Ulttyq biryńǵaı testileý mekteptik jáne JOO bolyp ekige bólinedi. Búgin QR Prezıdenti janyndaǵy Ortalyq komýnıkasıalar qyzmetinde ótken brıfıńte QR Bilim jáne ǵylym mınıstri Erlan Saǵadıev osylaı málim  etti.

«Ulttyq biryńǵaı testileýdi bıyl 2 márte tapsyrýǵa bolady. Eshbir memlekette munshalyqty joǵary áleýmettik baǵaǵa ıe emtıhan joq shyǵar. Sondyqtan, biz UBT-ny qaıta tapsyrý álemýettik kúızelisti basýǵa múmkindik beredi. Ekinshiden, kolejder túlekteri de UBT-ny qaıta tapsyra alady. Qazir ony shilde-tamyzda tapsyryp júr, endi biz olarǵa ony kelesi jyldyń qańtarynda - 2017 jyly qaıta tapsyrýǵa múmkindik beremiz», - dedi mınıstr. Onyń aıtýynsha, kolej túlegi shartty túrde joǵary oqý ornyna qabyldanýǵa quqyly bolady.

«Qazir biz osyndaı erejelerdi daıyndap jatyrmyz jáne JOO aıasynda qańtarǵa arnalǵan keshendi testileý ázirlenýde. Eger ol osy keshendi testileýden ótse, sáıkesinshe onyń qyrkúıekten bastap qańtarǵa deıin ótken kredıtteri, oǵan eseptelip, bylaısha aıtqanda ol birinshi kýrstyń ortasyna túsedi, jáne muny biz ádiletti dep esepteımiz», - dedi E. Saǵadıev.

Mınıstr sondaı-aq kelesi jyldan bastap Ulttyq biryńǵaı testileýdi ekige bólý josparlanǵanyn atap ótti. «Mektep bitirý emtıhandary mektepke oralady, al UBT SIT (ıntegrasıalyq testter (System Integration Test) qaraı aýysady. Bul ádiletti, sebebi JOO-lary túlektiń zıatkerlik deńgeıi men JOO baǵdarlamasyn meńgerý áleýetin bilýi qajet. Al SIT  muny anyqtaı alady. Sol sebepti biz UBT-niń jańa baǵdarlamasyn ázirlep jatyrmyz. Ony engizgen soń barlyǵy, olımpıada júldegerleri, Nazarbaev Zıatkerlik mektepteriniń túlekteri - bári osy emtıhandy tapsyrady. Alǵash ret ony tegin tapsyrý josparlanýda. Sosyn ony birneshe ert qaıta tapsyrýǵa bolady. Kezeń-kezeńmen EYDU standarttaryna kóshemiz. Muny kelesi jyldan bastap engizemiz», - dedi vedomstvo basshysy.

---