InfoHub Logo

Ústimizdegi jyly joǵary oqý oryndaryna qujat tapsyrý elektrondyq nusqada bolady. Buǵan qosa, bilim granttaryna qatysý konkýrsy da jeńildemek. Tolyqtaı qaǵazbastylyqtan arylyp, sıfrlyq júıege kóshý 2019 jyly júzege asatyn bolady. Bul týraly QR Bilim jáne ǵylym  vıse-mınıstri Asqat Aıtmaǵambetov habarlady.

Vıse-mınıstrdiń aıtýynsha, qazirgi jaǵdaı qujattardyń kóptiginen qolaısyzdyqqa ákelýde. Ásirese, qujattardy arhıvte saqtaý men dokýment tapsyrý úshin kezekke turý yńǵaısyz bolyp otyr. Osy jaǵdaılarda kóp jaýapkershilik qujat qabyldaýshy tehnıkalyq hatshylardyń moınyna artylýda.

«Jaqyn ýaqytta bul júıe tolyqtaı sıfrlyq formatqa kóshetin bolady. Ótinish berýshiler týraly barlyq málimetterdi memlekettik organdardyń tıisti aqparattyq júıelerinen alýdy josparlap otyrmyz. Osynyń arqasynda talapkerler ınternet arqyly alys shalǵaıdan ótinish bere almaq. Sondaı-aq onlaın rejımde Biryńǵaı ulttyq testileý jáne keshendi testileýden ótýge bolady. Nátıjesinde UBT-ǵa qashyqtyqtan kirý mektep kórsetkishiniń tómendeýine jol bermeı, oqý úlgerimi tómen oqýshylardy synaqtan ótkizý boıynsha máseleni sheshedi», — dedi A. Aıtmaǵambetov.

Budan ózge, UBT-ny tapsyrý jáne granttar alý úshin onlaın-tirkeýdi engizý júıesi ýnıversıtetti obektıvti tańdaýǵa septigin tıgizedi.
«Mınıstrliktiń UBT qorytyndysy boıynsha aımaqtardaǵy kórsetkishti baqylaýdy keıinge qaldyrýy áli bul máseleni sheshpedi. Ókinishke oraı, bul proses qala jáne aýdan ákimdikteriniń statısıkanyń sońynan júrýin toqtatpaı otyr», — dedi vıse-mınıstr.

Aıtmaǵambetovtyń aıtýynsha, atalǵan máseleni sheshýdiń basqa da joldary bar. Onyń barlyǵy tamyz aıynda ótetin konferensıada talqylanatyn bolady. Taǵy da aıta ketetin jaıt, bıyl bilim granttary 20 myńǵa ósken.

«Aǵymdaǵy jyly granttar sany 20 myńǵa ósti. Bakalavrǵa bólingen granttyń jalpy kólemi 53,5 myń oryndy qurady», – dedi ol.
Aıta keteıik, elimizde bilim granttaryna ıe bolý konkýrstary 16-26 shilde aralyǵynda ótken bolatyn. Oǵan ótinish bildirgen talapkerlerdiń sany 75,5 myń. 2018-2019 oqý jylyna joǵary bilimi bar mamandardy daıarlaýǵa 53 594 grant bólindi. Onyń 20 myńnan astamy Memleket basshynyń tapsyrmasyna sáıkes tehnıkalyq mamandyqtarǵa úlestirilgen.

Al, magıstrlerdi daıarlaýǵa 12 504 grant,  PhD doktorlaryna 2 240 grant arnalǵan.

2018 jyly Qazaqstan mektepterinde 147 myńnan astam oqýshy mektep bitirip, onyń 102 myńy UBT tapsyrýǵa bardy. Bıylǵy ortasha bal 82,6 qurady. Túlekterdiń 85 prosentten astamy shekti baldy jınaǵan.

---