InfoHub Logo

Osy aptada áıgili Apple kompanıasynyń bıylǵy jylǵy alǵashqy prezentasıasy ótti. Biz sizderge sol is-sharadaǵy eń mańyzdy degen aqparattardy atap ótpekpiz.

 

iPad 2018

27 naýryzda Astana ýaqytymen saǵat 21:00  Apple prezentasıasy bastaldy. Prezentasıanyń basty jańalyǵy -  qoljetimdi jańa iPad. Bul planshet Apple Pencil - men birge tirkesken. Iaǵnı planshet Apple qaryndashymen birge jumys isteıdi. Siz jańa iPad satyp alǵanda ony da birge satyp alasyz. Aldyn ala habarlanǵandaı bul planshet bilim salasyndaǵy adamdarǵa ıaǵnı oqýshylarǵa, muǵalimderge, stýdentterge arnalǵan. Degenmen atalmysh  Apple ónimi tek bilim berý salasyndaǵy adamdarǵa ǵana arnalyp, basqa adamdar qoldana almaıdy degen sóz emes. Burynǵy planshetten aıyrmashylyǵy baǵasy men birqatar qosymshalar engizilgendigi ǵana.

Planshet dıspleıiniń  dıogonali 9,7 dúm. Jańa qurylǵynyń syrtqy dızaıny ótken jylǵy iPad 2017 -den eshqandaı aıyrmashylyǵy joq.

Planshettiń aparattyq negizin A10 Fusion prosesory quraıdy. Jańa planshettiń negizgi kamerasy 8 Mp. Ol vıdeony Full HD formatynda túsirýge múmkindik beredi. Sondaı-aq  batereıasy kúni boıyna (jumys ýaqyty 10 saǵat) jetedi. iPad salmaǵy 500 gramǵa da jetpeıdi. Al qalyńdyǵy 7,5 mm. Planshet úsh túste: "kúmis ǵarysh", kúmis tústes jáne altyn tústes.

Qazirgi ýaqytta jańa iPad satylymǵa shyqqan. AQSH-taǵy baǵa boıynsha jańa iPad oqýshylarǵa $299 bolsa, basqa tutynýshylarǵa $329.  Al qaryndash - $49.

Jańartylǵan iWork  

Sondaı-aq Apple kompanıasy is-sharada iWork ofıstik qosymshalar paketin jańartqandyǵyn málimdedi. Qosymshaǵa engizilgen jańa fýnksıalar Apple Pencil-men jumys isteıdi. Ásirese, Apple qaryndashynyń kómegimen qujattarǵa sýretter men túsindirmeler qosý jeńil túrde iske asady. Sonyń arqasynda sýretterdi Pages-ke, Keynote-qa tipti Numbers-ke de qosa alasyz. iWork paketi - Microsoft kompanıasynyń Office programmalar jınaǵynyń tegin analogi. iWork paketine Pages (Microsoft Word-qa uqsas), Keynote (Power Point-qa uqsas), Numbers (MS Excel-ge uqsas) baǵdarlamalary kiredi. Sondaı-aq GarageBand jáne Clips qosymshalary da jańartylǵan.

Bilim salasyna arnalǵan jańa qosymshalar

Prezentasıa barysynda Apple kompanıasy bilim berý salasyna arnalyp, jasalynyp jatqan qosymshalardy atap ótti. Olar: Classroom, Schoolwork jáne Apple School Manager. Bul qosymshalardyń arqasynda muǵalimder, oqýshylardyń úlgerim deńgeıin dástúrli ádispen emes, Mac kompúteri men iPad plansheti arqasynda baqylaı alady.

Classroom - sandyq (sıfrlyq) mektep jýrnaly retinde qoldanylady. Onyń kómegimen muǵalimder oqýshylardyń sabaqqa qatysýyn baqylap, eskertpe de jasaıdy. Sonymen qatar oqýshylarmen ózara hat jazysa da alady.

Schoolwork - muǵalimder men oqýshylarǵa arnalǵan ámbebap qosymsha. Onyń ámbebaptyǵy muǵalimder qosymsha arqyly tapsyrmalardy berip, al oqýshylar ony ala alady. Tapsyrmany oryndaý, ony muǵalimge ótkizý jáne  tapsyrmany tekserý prosesteriniń bári derlik qosymshada júzege asyrylady.

Apple School Manager - qosymshalardy basqaratyn qosymsha. Ol mektepterge birneshe qurylǵylardy jáne Apple ID eseptik jazbasyn qashyqtyqtan basqarýǵa múmkindik beredi. Apple ID oqýshynyń qaı qosymshalardy ornatqanyn jáne qaı saıttarǵa jıi kiretinin baqylaıdy. Bul qosymsha tek bilim berý mekemelerine ǵana qoljetimdi.

Joǵaryda jazylǵan qosymshalar  osy jazda daıyn bolady. Nege jazda? Nege kóktemde emes desek, bunyń máni osy jazda Apple búkil álemnen úzdik baǵdarlamalaýshylardy bir jerge toǵystyratyn WWDC 18 konferensıasy ótedi.

Sonymen qatar atap óterlik taǵy bir mańyzdy aqparat bul - Apple Teacher. Apple Teacher - muǵalimderdi oqytýǵa arnalǵan jańa servıs. Bul jaıly kompanıanyń resmı saıtyndaǵy tıisti bólimnen tanysýǵa bolady. (appleteacher.apple.com)

Aıta keteıik atalǵan barlyq qosymshalar ClassKit arqyly jumys jasaıdy. Olardyń bári  maksımaldy tıimdi jumys isteý úshin bir-birimen tereń biriktirilgen.

200 Gb  

Bilim salasyna arnalǵan ónimder usynylǵan is-shara barysynda Apple barlyq stýdentter men oqytýshylarǵa iCloud-tyń qosymsha keńistiginde 200 Gb tegin bonýs berýge ýáde etti. Bul naýqan mamyr aıynda bastalady. Oǵan deıin sáýir aıynda bul týraly tolyǵyraq málimet bermek. Osy jerde aıta ketsek, ádette qarapaıym tutynýshylarǵa iCloud keńistiginen tek 5Gb ǵana beriledi.

Prezentasıa jaıly birer aqparat

16 - naýryzda Apple kompanıasynyń 27-naýryzda prezentasıa ótkizetindigi málimdeldi.

Ádette Apple -dyń is-sharalary Stıv Djobstyń atyndaǵy teatrda ótetin. Bul joly Chıkagodaǵy mektepterdiń birinde boldy.

Prezentasıa Chıkagoda tańǵy 9:00, al bizde Astana ýaqytymen keshki 21:00 bastaldy.

Prezentasıa nebári bir saǵatqa ǵana sozyldy. Sebebi  ýaqyt shekteýli boldy.

Bul prezentasıada ne tanystyratyny sońǵy merzimge deıin qupıa boldy. Biraq aldyn-ala boljamdar aıtyldy. Sol boljamdar boıynsha kompanıa iPhone SE, Mac tanystyrýy múmkin delingen edi. Joǵaryda jazylǵan prezentasıadaǵy aqparatttarǵa qarap, mundaı jańalyqtardy kútpegendigin ańǵaramyz.

Apple prezentasıasy ótken ǵımarat

Qanıa Tabys

---