InfoHub Logo

Elimizde aǵylshyn tilinde oqytýdyń «Clil» ádistemesi boıynsha biliktilikti arttyrýdyń tildik kýrstarynan bıyl 8871 muǵalim ótpek. Bul jaıly bir top májilismenderdiń depýtattyq saýalyna jaýap bergen Úkimet basshysy Baqytjan Saǵyntaev atap ótedi.

«Mınıstrlik (BǴM) jergilikti atqarýshy organdarmen birlecip joǵary synyptarda jaratylystaný ǵylymdary baǵytyndaǵy (JǴB) pánderdi oqytýdy uıymdastyrý úshin pedagogıkalyq kadrlardyń aldyn-ala qajetti sany 18,4 myń adam ekenin anyqtady. Sondaı-aq, vedomstvo bilim berý uıymdaryn, onyń ishinde aýyl mektepterin kadrlyq qamtamasyz etý boıynsha sharalar qabyldady. Osylaısha 2016-2017 jyldary biliktilikti arttyrý kýrstarmen aǵylshyn tilinde oqytýdyń «Clil» ádistemesi boıynsha 12 337 JǴB pániniń muǵalimi qamtyldy. (8385 muǵalim A2 deńgeıinde, 3952 - V1-S2 deńgeıinde). 2018 jyly 8871 muǵalim kýrstardy jalǵastyrady (V2 deńgeıine deıin). Atalǵan kýrstarmen 2019 jáne 2021 jyldary 3050 muǵalim qamtylatyn bolady», - dep jaýap berdi májilismenderge Premer-mınıstr.

Jaýapqa sáıkes, aǵymdaǵy oqý jylynda 2095 pedagog JǴB pánderin aǵylshyn tilinde oqytýda (nemese aǵylshyn tilinde oqytýdyń pán elementterin qoldanýda). Kýrstardan ótkeni týraly sertıfıkat alǵan sátten bastap muǵalimder mektepte keminde 3 jyl jumys icteýge mindetti.

«Zeınetkerlik jasqa (58 jas jáne odan joǵary) jaqyn (JǴB pánderi boıynsha) muǵalimder sany 3632 adamdy quraıdy. Olardyń ishindegi 2157 pán muǵaliminiń tildik kýrstarda oqýdan bas tartýy kadrlarmen qamtamasyz etý máselesin sheshýge keri ácerin tıgizbeıdi. Bıylǵy oqý jylynda 76 joǵary oqý ornynda aǵylshyn tilindegi pedagogıkalyq mamandyqtar boıynsha 6 677 adam bilim alyp jatyr», - delingen jaýapta.

Memleket basshysynyń bes áleýmettik bastamasynyń birine sáıkes, bıyl stýdentterge qosymsha 20 myń bilim berý granty bólinetini belgili. Úkimet basshysynyń habarlaýynsha, 20 myń granttyń myńy pedagogıkalyq mamandyqtarǵa, sonyń ishinde aǵylshyn tilinde oqytatyn mamandyqtarǵa bólingen.

«Osyǵan baılanysty kórsetilgen sharalardy icke asyrý mektepterdi kadrmen qamtamasyz etý máselesin sheshýge yqpal etetin bolady», - dep jaýap berdi Baqytjan Saǵyntaev.

QazAqparat

---