InfoHub Logo

Shartsyz negizgi kiris týraly oı ótken ǵasyrda-aq paıda bolǵan. Aı saıyn siz qalaǵanyńyzsha jumsaı alatyn belgili bir mólsherdegi qarajatty alyp otyrasyz. Sizderge azamattaryna eshqandaı shartsyz aqsha tóleıtin elder men qalalar jaıly jáne onyń álemge qandaı ózgeris ákeletini týraly qysqasha aıtyp beremiz.

Fınlándıa

Úkimettik uıymdardyń sheshimi boıynsha 2017-jyldan bastap Fınlándıanyń 25-ten 58-jasqa deıingi jumyssyz 2000 turǵyny aı saıyn 560 eýro alyp otyratyn bolǵan. Aqsha alýshylar kezdeısoq túrde tańdalyp, barlyq áleýmettik járdemaqylardan qaǵyldy. Biraq jumys tapsa da bólingen aqshany alýyn jalǵastyra beredi. Eger bul oń nátıje berse, bıyl oǵan qatysýshylar sanyn kóbeıtedi. Tájirıbe 2 jylǵa sozylady.

Fınlándıadaǵy ortasha eńbekaqy — 2 202 evro.

Lıvorno, Italıa

2016-jyldyń 1-maýsym aıynan bastap merdiń sheshimimen qaladaǵy eń kedeı 100 otbasy aı saıyn 517 evro mólsherinde shartsyz negizdi qarajat alyp otyratyn bolǵan. 2017-jyldyń qańtar aıynda bul jobaǵa taǵy 100 otbasy qosyldy. Merdiń aıtýynsha mundaı qadam - áleýmettik jeńildikterdi bólýdiń kúrdeli kóp kezeńdi júıesinen shyǵýdyń amaly. Neapol men Ragýza da osyǵan uqsas baǵdarlamany engizý úshin bul tájirıbeni baqylap otyr.  

Lıvornodaǵy ortasha eńbekaqy — 1 480 evro.

Kenıa

«GiveDirectly» komersıalyq emes uıymynyń arqasynda Kenıanyń 6 000 aýyl turǵyny 12 jyl boıy aı saıyn 22$ aqsha alyp otyratyn boldy. Jergilikti halyq úshin bul óte úlken somma: olardyń  45 %-y eshqashan da mundaı aqsha ustap kórmegen. Tájirıbeniń kóptegen qatysýshylary aqshany úılerin jóndeýge, aýyz sý, mal satyp alýǵa jáne mektepterdi damytýǵa bergenderin aıtty.

Kenıa qalalaryndaǵy ortasha eńbekaqy — $291.

Ýtreht, Nıderland

2017-jyldyń mamyr aıynan bastap 2 jyl boıy Ýtrehta qalasynyń turǵyndary memleketten aı saıyn 960 evro kóleminde qarajat alyp otyratyn bolǵan.  Tájirıbege qatysýshylar tólem kólemi jumysqa qatysty belgili bir talaptarǵa baılanysty bolatyn 6 topqa bólindi. Mysaly, bir toptyń adamdary eriktiler qataryna qosylsa, qosymsha 150 evro alady. Eger tájirıbe sátti bolsa, birneshe qala osy jobany qoldaýǵa jospar jasap otyr.

Ýtrehtegi ortasha eńbekaqy — 2 227 evro.

Marıka, Brazılıa

Marıka qalasynyń meriniń sheshimi boıynsha úlken qalanyń 150000 turǵyny eńbek bırjasyndaǵy mártebelerine qaraı aı saıyn 30$ kóleminde kómek alyp otyratyn boldy. Az qamtylǵan otbasylar qosymsha 28$ alady. Nátıje oń bolsa, tólem kóteriledi.

Marıka qalasy enetin Rıo-de-Janeıro shtatyndaǵy ortasha eńbekaqy —  $642.

Úndistan

Úndistan úkimeti 2017-jyly 7 jyl buryn keremet nátıjeler kórsetken tájirıbelik jobany qaıtadan qolǵa alǵan bolatyn. Sol kezde UNICEF qoldaýymen aýyldaǵy 6000 turǵyn 18 aı boıy birneshe dollar kóleminde azdaǵan tólem alyp otyrǵan bolatyn. Bul joba sot joq kastanyń (Úndistandaǵy kasta) otbasylaryna tolyq erkindik, táýelsizdik jáne bolashaqtaǵy ómirlerin ózgertýge múmkindik berip, ómirlerine qatty áser etti. Úndistandaǵy bul kastanyń adamdary dúnıege kelgen sátten bastap margınaldar jáne quldar dep esepteldi. Olar tek aýyr jumystardy atqaryp, ǵıbadathanalarǵa barýǵa jáne bilim alýǵa, basqa kastanyń adamdarymen sóılesýge tıym salynǵan bolatyn.

Úndistan qalalaryndaǵy ortasha eńbekaqy —  $535.

Ontarıo, Kanada

2017-jyldyń mamyr aıynan bastap Ontarıonyń 3 sýbektisindegi kirisi óte tómen 18-den 64 jasqa deıingi 4000 adam birden úkimetten aǵymdaǵy tabystaryna baılanysty qalyptasqan negizdi qarajatqa qol jetkizip keledi. Mysaly, eger adam jylyna 10 000$ tabys tabatyn bolsa, onda onyń negizgi kirisi 11989$ bolady. Sonda, ol adam jylyna barlyǵy 21989$ alady. Al múgedektigi bar adamdar qosymsha aıyna 500$ alady.

Ontarıodaǵy ortasha eńbekaqy — $ 2 216.

Ýganda

2017-jyldan bastap komersıalyq emes«Eight» uıymy aýyldardyń birinde 50 otbasyna apta saıyn 8$ tólep keledi. Bul tájirıbe 2 jylǵa sozylady jáne shartsyz bazalyq kiristiń shaǵyn eldi mekenderdegi tirshilik sapasyna áseri jaıly derekti fılmniń negizgi bolady.

Ýganda qalalaryndaǵy ortasha eńbekaqy — $168.

Oklend, AQSH

2017-jyldyń qańtar aıynan bastap 100 otbasy «Y Combinator» enshiles qorynan aı saıyn 2000$-ǵa deıin aqsha alyp turady. Jobaǵa qatysýshylar jumys istemeýlerine, erikti bolýlaryna, tipti elden ketip qalýlaryna bolady. uıymdastyrýshylar bul tájirıbege taǵy da 900 otbasyny qospaqshy. Bazalyq kiris 2021-jyldyń sońyna deıin tólenetin bolady.

Oklendte ortasha eńbekaqy —  $3 215.

Alǵashqy nátıjeler:

- Kóptegen adamdar aqshany jaǵdaılaryn jaqsartý úshin: úılerin jóndeýge, bilim alýǵa, tamaq sapasyn jaqsartýǵa jumsaǵan.

- Aqshanyń bir bóligi dári-dármekke jáne medısınalyq qyzmetterdi tóleýge jumsalǵan.

- Az qamtylǵan otbasylar jańa kiris kózin balalarynyń ıgiligine jumsaǵan: kıim jáne kóp azyq-túlik alǵan, mektepke jáne kólikke tólegen.

- Adamdar qaryzdarynan qutylyp, qysqa merzimdi qaryzdar men nesıelerge degen suranys azaıǵan.

- Osy aqsha arqyly kóbirek demalyp, densaýlyǵyn túzeýge múmkindik alǵan egde jastaǵy adamdardan basqalary jumys isteýden bas tartpaǵan.

- Tájirıbege qatysýshylardyń kópshiligi jumysqa qatyssyz turaqty kiristiń bolyp turýy olarǵa bolashaqty jaqsy josparlaýǵa jáne táýekeldi, biraq paıdaly sheshimder qabyldaýǵa kómektesetinin moıyndaǵan.

---