InfoHub Logo

"Adam bol-mal tap" - kópshiligińizge tanys bul naqyl Abaı atamyzdiki. Sonda Abaı: adam bolý úshin tek mal tabý kerektigin aıtqanba? Adamdyq malmen ólshene me? Bul týraly abaıtanýshy Omar Jáleluly jaýap berdi: 

-Adam dúnıge ne úshin kelgen? Adam dúnıege, adam bolý úshin kelgenǵoı. Boıyńdaǵy búkil qabiletińdi ashý úshin kelgenbiz. Abaı atamyz:adam boıyndaǵy búkil qabiletin ashý úshin, adam bolý úshin-mal kerek deıdi.  Adam ózi eki nárseden turady: jan men tánnen. Adam dep jandy aıtamyz, tándi aıtpaımyz. Jan ýaqytsha kelgen bul dúnıge. Al tán, jannyń meımanhanasy. - Mal ne úshin kerek? - degende, Abaı atamyz:Eger biz tinge ishý, jeý, uıyqtaýdy bermesek, ol janǵa meımanhana bolýǵa jaramaıdy. Birinshi adam bolý úshin ishsem,jesem,uıyqtasam degen máselerdi sheship alý kerek. Osylar sheshilmeı, ǵylym men óner joq. . .

Kóp adam adam bolýdyń shyńy mal tabý dep ústirt túsinedi. Mal tabý adam bolýdyń shyńy emes. Mal tabý adam bolýdyń sharty ǵana.

Abaı atamyz:qazaqtar qudaıdan mal suraıdy, biraq qudaıdyń berip turǵanyn bilmeıdi. Adamǵa maldy aldyn ala berip qoıǵan. Ne berdi? - qudaı adamǵa mal tabatyn qýat berdi. On eki músheniń qýaty, qudaıdyń bergeni.

Qanshama tepse temir úzetin jigitter úıinde jumyssyz jatyr. Olar qudaıdyń bergen qýatyn paıdalanyp jatqan joq. Eger paıdalansa ǵylym men aqyldy ıgere alady.

---