InfoHub Logo

Aqtóbe oblysy Shalqar qalasy «№ 3 JOBB» KMM
4 synyp oqýshysy Buharbaev Beknur Aıbekuly
Jetekshisi Jumaǵulova Elmıra Aqylbekqyzy

Men kishkentaıymnan ata-ájemmen birge turyp, qolynda óstim. Olar meni adaldyqqa, bilimge qushtar bolýǵa úıretti.  Atam men ájemniń 3 nemeresi bar. Men ortanshysymyn atym Buharbaev Beknur Aıbekuly «№ 3 JOBBM» KMM – da oqımyn. Otbasymda menen bólek bir tátem jáne bir inim bar.  Qara shańyraǵymyzdyń aqylshysy,arqa súıerimiz-atam men ájem, otbasynda atamnyń orny bólek. Meniń atamnyń aty Abımýlla. Onyń jasy qazir 74 -te. Atam el jurtqa syıly, qazaqı bolmysty, bedeldi jan. Shyraıy jarqyn, kesek oıly, janary árdaıym jaryq juldyzdaı janyp turatyn ónegeli azamat, ózine ǵana tán utqyr da, ushqyr sóz turpaty men aǵaıynnyń aqylshy, qamqorshysy bola bilý bolmysyn boıynda qatar ushtastyrdy. Maǵan minezi kórkem adam kim dese, birden: Ol meniń atam, – der edim. Atam kitapty da kóp oqıtyn adam. Ol kóbine tarıhı shyǵarmalardy jáne ómirden alynǵan oqıǵalarǵa negizdelgen shyǵarmalardy oqyǵandy jaqsy kóredi. Atam jan-jaqty adam, ol barlyǵyna úlgeredi. Atamnyń shydamdylyǵy, meıirimdiligi meni de kóp nársege úıretti. Qazir men  sportpen shuǵyldanamyn. Osyndaı atamnyń baryna men úlken maqtanyshpen qaraımyn.

Meniń ájemniń aty Altynkúl. Ájem óte meıirimdi, aqkóńil jan. Ájemniń únemi bizdiń qasymyzda bolǵanyn qalaımyn jáne árdaıym bizdiń janymyzda. Muńaısam da, qýansam da ájeme jetkizýge tyrysamyn. Ájemdi meıramymen quttyqtasam, jadyrap, masaırap qalady. Ájemniń úlkeıgen saıyn sál nársege renjip qalatynyn baıqap júrmin. Sondyqtan renjitpeı, qýantýǵa tyrysamyn. Sabaqtan jaqsy baǵa alsam, saıystardan oryn alsam birinshi ájem estıdi. Qýanady. Meniń ájem eń tamasha adam. Onyń jasy qazir 62-de. Ájem — ákemniń anasy, meniń aqylshym. Meniń ájemniń qolynan kóp nárse keledi. Onyń súıikti isi — toqyma toqý. Ol jas kezinen jún tútip, urshyq ıirip, keýdeshe, qolǵap, t.b. buıymdar toqyp úırengen. Sonymen birge is tikkendi de jaqsy kóredi. Ájemniń súıikti tamaǵy — qazaqsha et. Onyń ıisin burqyratyp ózi asqandy jaqsy kóredi. Súıikti sýsyny — qymyz, shubat, shaı. Kishkentaı kezimde ózge ájeler sıaqty maǵan da ertegi aıtyp uıyqtatatyn. Bizge árdaıym aqyl-keńesin aıtyp otyrady. Men ájemdi óte jaqsy kóremin. Asyl ájeme uzyq ǵumyr tileımin.

---