InfoHub Logo

Maqsaty: Oqýshylardy ájesin syılaýǵa, analardy qurmetteýge tárbıeleý. Oqýshylardyń boıyna adamgershilik, meıirimdilik qasıetterin sińirý.
Kórnekilikteri: Slaıd, ınteraktıvti taqta
Túri: saıys

Barysy:
İ. Uıymdastyrý kezeńi.
Qurmetti ájeler, armysyzdar,
Bárińiz de esen-saýmysyzdar.
Jınalyppyz sátti kúni bárimizde.
Úlken kishi, jasyńyz, kárimizde.
Tórletińiz qadirmendi ájeler
Gúl - gúl jaınap bizdiń mynaý tórimizge.
Nemere úshin eń meıirimdi jan – áje. Aq sút bergen analardyń anasy – áje. «Jan júregim, jaryǵym» dep nemeresin, shóberesin júregine teńeıtin de áje. Olaı bolsa qadirmendi qaýym ájelerdiń aq tilegi kópshilik úshin tábárik dep oılaımyn.
Ájemniń saıasynda er jettim men
Aıaly aq besikte terbetilgen
Ájemdeı aq nıetti abzal jandy
Tappaımyn aınalsam da jer betinen.
Ájelerimizdiń qadamy qutty bolyp, mártebesi bıik bolsyn dep tilektestik bildire otyryp, áje men nemerelerin ortaǵa shaqyraıyq. (Tanystyryp, áje men nemereni tórge jaıǵastyrý)

İ bólim «Sálem – sózdiń anasy»
(Áje men nemeresi ózderin tanystyrady)

Ájeniń úıretetin óneri kóp,
Aıtamyz ardaǵy «shejire»dep,
Halqymnyń dástúri men ónegesin,
Qaldyrar urpaǵyna ájelerim

İİ bólim «Ónerliniń qoly altyn»
(Ájeler oıý oıady, nemeresi daıyndalǵan oıýdy jabystyryp daıyndaıdy)

Mánge toly qazaǵymnyń ǵumyry
San asyldyń ashylyp tur tuǵyry.
Keshe ǵana kereksiz tastaǵan
Ǵajap eken ádebi men ǵuryby

İİİ bólim «Salt dástúrdi bilemiz be?» Ájelerge suraq beriledi.
(Ádet - ǵuryptardyń maǵynasyn aıtý)
1. Bazarlyq degenimiz ne?
2. Toqymqaǵar qalaı toılanady?
3. Baıǵazy qalaı beriledi?
4. Súndet toı qaı kezde jasalady?

«Kim jyldam?» Oqýshylarǵa suraq beriledi.
1. Qazaqstan Respýblıkasynyń rámizderin ata
2. Qazaqstan Respýblıkasynyń ánuranynyń avtorlaryn ata
3. A. Qunanbaevtyń «Adam bolam deseńiz» óleńindegi 5 jaqsy qasıetti, 5 jaman ádetti atap ber
4. Eń birinshi balalarǵa mektep ashyp, oqýǵa shaqyrǵan kim?

V bólim «Ónerli órge júzedi»
( Ónerlerin kórsetý)
Saǵyntyp talaı jyr týar,
Oralar áli san jyrshy
Dalamnyń ıisi burqyrap,
Qarttarym aman - saý júrshi!
Vİ bólim «Syr sandyq»
(Ájeler bata aıtady)

Vİİ bólim «Júrekten júrekke»
(Nemereler ájelerine óziniń ystyq lebizin bildiredi)
Vİİİ bólim Qorytyndy
(Ájelerdi marapattaý.)