InfoHub Logo

Bir kisi ómirinde ótirikke eshkimdi aldyna salmaǵan sýaıt eken.

Bul kisi balasyn baýlyp, ózindeı ótirikshi qylypty. Balasy ákesinen de ótirikke astam bolypty. Ákesi balasynyń asqandyǵyn barlaıyn dep bir kúni dóńge turǵyzyp balasyna jorta:

— Balam, kózim jetińkiremeı tur, anaý qabaqtaǵy buldyraǵan kıik pe, nemene, dese, balasy:

— E, anany aıtasyń ba? Ol arqar emes pe, baýrynda egiz qozysy emip turǵan, – depti.

Ákesi taǵy:

— Shyraǵym, sol arqarǵa qaı jaǵynan barsaq, jaqyndap kórgendeımiz? – dese, balasy:

— Aı, áke-aı! ábden-aq kózińizdiń janary ketken eken. Osy turǵan arystandaı arqardy kóre almadyńyz ba? Arǵy qyrqanyń berisinen, bergi qyrqanyń arysynan bas baǵa barsaq, qaq jelkesinen syǵalaımyz, – depti de, ákesin jiberipti. Ákesi shyn nanyp, aıtqan jerimen baryp qarasa, arqar túgil túk te joq eken. Artynan kelgen balasyna ákesi:

— Qane, balam, arqaryń? – dese, balasy:

— Arbańdap qashqanyn da kórmeı qalǵan ekensiz, kózińiz ábden buldyraǵan eken, – depti.

Sonda ákesi:

— Balam. ótirikke baýlýym ábden jetken eken, ózimnen askan ekensiń, – dep batasyn beripti.

---