InfoHub Logo

Buryn bir taz, bireýi jalaq, bir kózi aýyrǵan úsh adam joldas bolǵan eken. Árkaısysynyń keseli bar, tazdyń basy qyshyp, kózi aýyrǵan kózi qyshyp, jalaqtyń erni tyrysyp, árqaısysy basymen álek bolyp keledi, sonda bular aqyldasyp, búıtip kor bolǵansha ýáde etelik, basty qasymasqa, kózdi sıpamasqa, erindi jalamasqa dep bás qoıady. Qaısymyz ýáde buzsak, at-tonymyz olja bolsyn deıdi. «Maqul» desip júrip ketedi. Bir jerge kelgende kózi aýyrǵan shydamaıdy, bir qýlyq oılaıdy.

Joldastaryna aıtady: «Men jasymnan mergen edim, oń jaǵymnan kelse de, sol jaǵymnan kelse de atyp túsirýshi em», – dep bir qolyn kezep, bir qolymen kózin sıpap-sıpap alypty.

Muny kórip taz aıtady: «Men de jas shaǵymda ábden myrza edim, aýyldyń myna jaǵyna kelsem bórkimdi bylaı kıýshi em, ana jaǵyna kelsem bylaı kıýshi em», – dep erkinshe basyn eki qaıta qasyp alypty.

Sonda turyp jalaq aıtady: «Ekeýińdiki de ótirik», – dep ernin erkinshe jalap alypty.

Birinikin-biri bilmeıdi, ózderiniń qýlyqtaryn ózderi bilip kete bergen eken deıdi.

---