InfoHub Logo

Baıaǵy  ótken  zamanda  Qaǵanaqbas,  Qylkeńirdek,  Shı borbaı  úsheýi joldas eken. 

Bir kúni  bular  bir toqty  urlap, aıdalaǵa  aparyp  soıypty.  Toqtyny soıyp, etin  qazanǵa  salaıyn  dep jatyp, Qaǵanaq basqa:

— Jynyn tógip kel, – dep, qaryndy  beripti. 

Qaǵanaqbas  qaryndy  tysqa  alyp  shyqqanda,  qara  shybyn  qarynǵa  da, Qaǵanaqbastyń basyna da qaptaı úımelepti. Basyndaǵy shybyndy qoryp, qaǵamyn dep,  Qaǵanaq bas  qolyn  qaǵys  siltep, óziniń  basyn uryp alypty. Pıaladaı juqatóbesi oıylyp, sharana shekesi shartketipti. Jumyrtqadaı  juqa bas jarylyp, jan beripti.

«Qaǵanaq bas qalaısha keshikti?» – dep, Shıborbaı dalaǵa shyǵa kelse,  ólip jatqan Qaǵanaqbasty kóre salyp:

— Áı, áttegen-aı! – dep, eki qolymen eki sanyn salyp qalǵanda, shıdeı borbaıy short etip, ol da múrdem ketipti.

Shıborbaıdyń daýysyn estip, Qylkeńirdek syrtqa júgirip shyǵady da, ólip jatqan eki joldasyn kórip:

— Oıbaı, baýyrlarym-aı! – dep daýystaı bergende, óziniń qyl keńirdegi qylǵynyp, tynys ala almaı úzilip ketipti.

---