Aldaǵy tórt jyl ishinde 70 myńǵa tarta bastaýysh synyptyń muǵalimderi daıyndyqtan ótedi
QazAqparat - «Nazarbaev Zıatkerlik mektepteri» bazasynda aldaǵy tórt jyl ishinde 70 myńǵa tarta bastaýysh synyptyń muǵalimderi daıyndyqtan ótedi. Búgin QR Prezıdenti janyndaǵy Ortalyq komýnıkasıalar qyzmetinde ótken brıfıńte «Nazarbaev Zıatkerlik mektepteri» AQ Basqarma tóraıymy Kúlásh Shámshıdınova osylaı málim etti.
«Bilim salasynda, pedagogıkada jańa túsinik paıda boldy, oǵan sáıkes, bala analız, sıntez jasaı alýy kerek. Baǵalaı bilip, alǵan bilimin paıdalana alýy kerek. Osynyń ózi biz bilim sapasynyń mazmunyna qatysty engizgeli otyrǵan fýnksıonaldyq biliktilikke alyp keledi», - deıdi K. Shámshıdenova.
Onyń aıtýynsha, jańa mazmundy engizý maqsatynda 2011 jyldan bastap muǵalimderdiń biliktiligin arttyrýǵa baǵyttalǵan kóptegen jumystar atqarylǵan. Al 2012 jyldan bastap «Nazarbaev Zıatkerlik mektepteri» bazasynda daıyndalǵan jańa ádistemelik tehnologıalarǵa baılanysty oqý baǵdarlamalaryna elý eki myńnan astam ustaz qaıta daıarlyqtan ótti. Jeti júzden astam trenerler daıarlanyp, bir jarym myńnan astam mektep dırektorlary da daıarlyqtan ótken.
«Bilim salasyndaǵy jańa mazmunǵa baılanysty aldaǵy tórt jyl ishinde 70 myńǵa tarta bastaýysh synyptyń muǵalimder men osy synyptarda jumys isteıtin 200 myńǵa jýyq muǵalimder daıyndyqtan ótedi. Bul ár jyldar boıynsha bekitildi, qaı óńirden qaı jerde ótetini de belgilendi», - dedi K. Shámshıdınova.
You Might Also Like
-
Eýropadaǵy sekildi Qazaqstanda da bala alty jastan mektep partasyna otyrýy kerek. Búgin QR Prezıdenti janyndaǵy Ortalyq komýnıkasıalar qyzmetinde ótken brıfıńte QR Bilim jáne ǵylym mınıstri Erlan...
-
Bilim salasyndaǵy bastamalar jan-jaqty talqylaýdan keıin ǵana mektep baǵdarlamasyna engizilýi tıis. Búgin «Táýelsizdik. Kelisim. Bolashaǵy birtutas ult» kún tártibimen ótip jatqan Qazaqs...
