JOO-lardyń birinshi kýrsy mekteptiń 12-synybyna aınalyp ketti - E. Saǵadıev
Qazaqstandaǵy joǵarý oqý oryndarynyń birinshi kýrsy belgili bir deńgeıde mekteptiń 12-synybyna aınalyp ketti. Búgin QR Prezıdenti janyndaǵy Ortalyq komýnıkasıalar qyzmetinde ótken brıfıńte QR Bilim jáne ǵylym mınıstri Erlan Saǵadıev osylaı málim etti.
«Elimizdiń jetekshi joǵarý oqý oryndarynyń basshylarymen tildesseńizder, olardyń bári «birinshi kýrs mekteptegi baǵdarlamany qaıtalaý» dep bári aıtady. Iaǵnı, mektepten kelgen bala bir jylyn tekke, bosqa ótkizedi. Eki ýnıversıtettiń burynǵy prezıdenti retinde men bul máseleni jaqsy bilemin: biz JOO-lardyń birinshi kýrsyn belgili bir deńgeıde mekteptiń 12-synybyna aınaldyryp jiberdik», -dedi E. Saǵadıev.
Osyǵan baılanysty mınıstr jalpy bilim beretin mektepterde bul másele retke keltiriletinin málimdedi. Onyń aıtýynsha, JOO-larda halyqarlyq deńgeıde óziniń jeke baǵdarlamalaryn daıyndaý úshin akademıalyq erkindik beriledi.
«Túıindeı aıtqanda, balany alty jastan berý, JOO baǵdarlamalaryn retke keltirý maqsatynda 12 jyldyq bilim berý engiziledi. Iaǵnı, bala mektepke erte barady, onyń JOO-daǵy jalpy bilim baǵdarlamasy qysqartylady. Soǵan sáıkes, JOO baǵdarlamasy da ózgeristerge ushyraıdy, olar halyqaralyq deńgeıge sáıkestendiriledi», - dedi E. Saǵadıev.
Avtor: Qanat Mámetqazyuly
You Might Also Like
-
Elimizde qazaq tiline úıretetin birde-bir durys ádisteme joq. Búgin QR Prezıdenti janyndaǵy Ortalyq komýnıkasıalar qyzmetinde ótken brıfıńte QR Bilim jáne ǵylym mınıstri Erlan Saǵadıev osylaı mál...
-
«Balaǵa kúshtep bilim berýden góri, balanyń bilimge degen qushtarlyǵyn oıatý - eń mańyzdy maqsat»
