Bala alty jastan mektep partasyna otyrýy kerek - BǴM
Eýropadaǵy sekildi Qazaqstanda da bala alty jastan mektep partasyna otyrýy kerek. Búgin QR Prezıdenti janyndaǵy Ortalyq komýnıkasıalar qyzmetinde ótken brıfıńte QR Bilim jáne ǵylym mınıstri Erlan Saǵadıev osylaı málim etti.
Mınıstr sóz arasynda 12 jyldyq bilim berýdiń negizgi mindetine toqtalǵan bolatyn. Onyń aıtýynsha, bundaǵy basty mindet birinshi synypty alty jastan bastaý.
«Qazirgi kúni altyǵa tolǵan balalardyń jartysy mektepte partada otyr, jartysy áli barǵan joq. Altyǵa tolǵan balany mektepke berý kerek, bul - asa mańyzdy jas. Osyny Ekonomıkalyq yntymaqtastyq jáne damý uıymy elderi baıaǵydan túsingen. Óıtkeni, bala mıynyń sınopsıasy alty jasqa deıin tolyǵady, sosyn kishireıe bastaıdy. Endeshe, bul jasty durys paıdalanbasaq, onda ary qaraı bári qıyndaı túsedi», -dedi E. Saǵadıev.
Onyń aıtýynsha, alty jastan bastap mektepke barǵan bala men odan kesh barǵan balanyń damýynda erekshelikter bolady. Bul bilim berý deńgeıindegi aıyrmashylyqtarǵa da ákep soǵady.
«Sondyqtan da, Eýropadaǵy sekildi Qazaqstanda da bala alty jasynan mektepte partaǵa otyrýy kerek. Bul baǵytta arnaıy synyptar daıyndalǵan. Bul baǵdarlamany aldaǵy tórt jylda engizip, aıaqtaýǵa tıispiz», - dedi mınıstr.
Onyń sózine qaraǵanda, qazirgi kúni elimizde 150 myń bala alty jastan oqysa, 180 myń bala mektepke barmaǵan.
Avtor: Qanat Mámetqazyuly
You Might Also Like
-
Mektep bitirgen jyly úlken aǵasy buǵan ózi de unatyp qalap júrgen ádebıettiń oqýyna barǵanyn qoldap, keńes bere otyryp, "oqımyn degen adamnyń bárine zań ortaq qoı" degen edi. Aǵasy aıtsa,...
-
QazAqparat - «Nazarbaev Zıatkerlik mektepteri» bazasynda aldaǵy tórt jyl ishinde 70 myńǵa tarta bastaýysh synyptyń muǵalimderi daıyndyqtan ótedi. Búgin QR Prezıdenti janyndaǵy Ortalyq kom...
