InfoHub Logo

Sabaqtyń taqyryby: Aleksandr Makedonskııdiń Orta Azıaǵa joryǵy
Sabaqtyń maqsaty:
♦ Orta Azıa halyqtarynyń grek - makedondyq basqynshylarǵa qarsy kúrestegi erligin, táýelsizdik úshin kúresken dańqty basshysy - Spıtamen erligin baıandaý.
♦ Uly qolbasshy Aleksandrdyń alǵyrlyǵy, tapqyrlyǵy, batyldyǵy týraly aıta kelip, oqýshylardy batyr da erjúrek bolyp ósýge tárbıeleý.
Sabaqtyń túri: Jańa uǵymdy meńgertý
Sabaqtyń ádisi: Baıandaý, suraq - jaýap, kartamen, toppen jumys, STO tehnologıasy
Pánaralyq baılanys: Ádebıet
Kórnekiligi: karta, slaıdtar, tapsyrmalar

Sabaqtyń barysy:
İ. Uıymdastyrý kezeńi
II. Úı tapsyrmasyn suraý
1. Parsy patshalyǵy qalaı quryldy?
2. Ejelgi parsylar mekendegen jerlerdi atap, kartadan kórsetińder?
2. Parsy taıpalaryn qandaı rýdyń kósemderi basqardy?
3. I Darıı qaı jyly taqqa otyrdy jáne onyń engizgen jańalyǵy qandaı?
4. Parsylardyń eń kórnekti ádebı shyǵarmasy qandaı? Bul shyǵarmada ýaǵyzdalatyn din ne dep ataldy?

Sabaq jospary:
1. Aleksandr Makedonskııdiń Orta Azıaǵa basyp kirýi.
2. Spıtamen - táýelsizdik úshin kúrestiń basshysy
3. Orta Azıa halyqtarynyń sheteldik basqynshylarǵa qarsy kúresiniń tarıhı mańyzy.

III. Qyzyǵýshylyqty oıatý
a) Abaı Qunanbaevtyń "Eskendir" poemasy
b) "Tulǵany tany"

IV. Maǵynany taný
Aleksandr kim bolǵan?
Bul suraqqa jaýapty tarıhı uly tulǵaǵa minezdeme berýden bastaımyn. Ol - ejelgi Shyǵystyń kóptegen memleketterin jaýlap alyp, bas ıgizgen uly qolbasshy, óz aty - Aleksandr, qazaq ony Eskendir dep ketken.
Bala kúninen - aq ákesi Fılıptiń jáne onyń nókerleriniń kózinshe asaý atty aýyzdyqtaıdy. Jurttyń bári Aleksandrdyń eptiligi men erjúrektigine tań
qalady. Fılıpp patsha balasyn qushaqtap turyp: «Ulym - aı, ózińe shaq patshalyq izde, Makedonıa saǵan olqylyq eter» degen eken.
Ákesiniń ózine aıtqan osy sózinen neni baıqaýǵa bolady? Óz oılaryńdy tujyrymdańdar.

V. Maǵynany ajyratý
a) Ádebı úıirme
Osy jospar boıynsha búkil mátindi eki topqa oqyp shyǵýdy tapsyrý.
"Róldik oıyn" boıynsha qatysatyn oqýshylardyń rólderin tanystyrý.
1. Baıandaýshy - tarıhshy (mátinniń mazmunyn baıandaıdy)
2. İzdenýshi - taqyryp týraly aqparat jınaıdy
3. Suraq qurastyrýshy - jýrnalıs - tilshi (suraq qoıady)
4. Sýretshi - Sol kezdegi ómirdi qaǵaz betine beıneleıdi
5. Sóz tapqysh nemese siltemeler tabýshy - termın jáne jańa sózder tabady
6. Dáneker - Negizgi oqıǵalardy qazirgi ómirmen baılanystyrý
(Eki topta da top músheleri óz rólderi boıynsha taqyrypty túsindirip, kezekpen aıtyp ótedi).

VI. Jeke tapsyrmalar
a) 5 joldy óleń
Zat esim - (Aleksandr Makedonskıı)
Syn esim - (batyl, qatygez)
Etistik - (jaýlap aldy, bardy, joıdy)
Maǵynaly 4 sóz - Makedonskıı shyǵysqa bet aldy
Sınonım - Qolbasshy