InfoHub Logo

Álemde baryp kórýge turarlyq oryndar óte kóp. Dámin tatyp kórýge bolatyn as túrleri de sózsiz az emes. Keıbir meıramhanalar tek dámdi taǵam jáne servısimen emes óziniń erekshe ornalasqan jerimen de tartady. Álemdegi eń keremet jerlerde ornalasqan meıramhanalardy birge tamashalaıyq.

 

Grotta Palazzese, Barı, Italıa

pinterest

Keshki asty tabıǵattyń ózi jasaǵan úńgirde ishýge qalaı qaraısyz? Teńiz shaıyp, saldarynan  bul jerde dıametri 30 metrdi quraıtyn eki úlken jartylaı dóńgelek «zal» paıda boldy. Bir kezderi bul jerde bal jáne qabyldaýlar ótkizilgen. Al qazir tamasha ıtalán taǵamdaryn usynatyn meıramhana ornalasqan.

 

Restaurant le Panoramic, Shamonı, Fransıa

chamonix

Meıramhana Fransıanyń Alpilerinde teńiz deńgeıinen 3000 metr bıiktikte Brevan taýynyń shyńynda ornalasqan. Barlyq jaǵynan taýdyń tamasha kórinisi kóz jaýyn alady. Al aspazdar qonaqtarǵa jergilikti dástúrli túski as jáne basqa da taǵamdar usynady.  

 

Ithaa Undersea Restaurant, Maldıv

conradhotels3.hilton

Sý astynda 5 metr tereńdikte ornalasqan meıramhana 14 qonaqqa ǵana arnalǵan.  Berik shatyrdyń arqasynda muhıttyń ásemdigin 270 gradýsta keń kólemde tamashalaýǵa bolady. Qonaqtarǵa jergilikti jáne eýropa taǵamdary usynylady, biraq kelýshilerdiń basty maqsaty as emes.

 

Ali Barbour’s Cave Restaurant, Dıanı Bıch, Kenıa

enchantedlandscapes

Kenıaǵa jolyńyz tússe mindetti túrde bul meıramhanadan dám tatyp ketińiz. Ol tóbesi ashyq úńgirde ornalasqan. Interer dástúrli afrıkalyq stılde jasalǵan. Shamdardan túsetin jaryq romantıka men tańǵajaıyp áser beredi.

 

The Sierra Mar Restaurant, Kalıfornıa, AQSH

postranchinn

Taýdan muhıtqa qarap kúnniń batýyn baqylap, tamasha taǵamdardyń dámin tatqyńyz kelse kalıfornıalyq meıramhana siz úshin. Ol San-Fransıskoǵa jaqyn tabıǵı qoryqta ornalasqan. Naǵyz kalıfornıalyq arman!

 

The River Cafe, Nú-Iork, AQSH

therivercafe

Bul kórinisti tanystyrmasa da bolady, bul qala mıllıondaǵan adamdardyń armany. Qymbattylyǵyna qaramastan kelýge turarlyq meıramhanalardyń biri. Qalanyń kórinisi ómir boıy esińizde qalady.

 

The Samaya Villas Bali, Balı, Indonezıa

chandrabalivill

Balı araly tamasha jaǵajaılarymen jáne kórinisterimen tanymal. Muhıt jaǵajaıy keshki as ishýge arnalǵan oryn sekildi. Bul meıramhana attas qonaq úımen shektesip jatyr. Meıramhana álem taǵamdaryn usynady.

 

Le Jules Verne, Parıj, Fransıa

restaurant.michelin

124 metr bıiktikte Eıfel munarasynda Parıjdiń eń tanymal meıramhanasy ornalasqan. Túski asyńyzdy ishý barsynda qalanyń ásem kelbetimen de tanysyp úlgeresiz.

 

Skyline Restaurant, Kýınstaýn, Jańa Zelandıa

skyline

Kýınstaýn qalasy bıiktikten sekirý, ıaǵnı raftıng áýesqoılary men ekstremaldyq saýyqty jaqsy kóretinderdiń ortalyǵy.  Qarnyńyz ashsa da alysqa barýdyń qajeti joq, sekirýge arnalǵan kótergishtiń janynda meıramhana ornalasqan. Ol jerden jergilikti tabıǵat kórinisiniń panoramasy aıqara ashylady.

 

Delaire Graff Restaurant, Stellenbos, OAR

lifestyle-capetown

Taǵy da bir esten ketpeıtin  gastronomıalyq saıahatty  OAR-da ótkize alasyz. Meıramhanadan Sımonsberg taýyn jáne Esteıt júzim alqabyn tamashalaı alasyz. Bul jerden afrıkanyń ekzotıkalyq taǵamdarynan dám tatýyńyzǵa bolady.

 

Ngorongoro Crater Lodge, Ngorongoro, Tanzanıa

safariarchitects

Tanzanıanyń Ngorongoro krateriniń shetinde ornalasqan qonaq úı men meıramhana sizdi tań qaldyrmaı qoımas. Meıramhanadan Afrıkanyń ǵajaıyp kórinisterin baqylaýyńyzǵa bolady. Dúrbińiz bolǵan jaǵdaıda qoryq aımaǵyndaǵy janýarlardy da kóre alasyz.

 

The Signature Room at the 95th, Chıkago, AQSH

pinterest

Keshki Chıkagony bıiktikten baqylaý osynda kelgen kez kelgen saıahatshynyń armany. Meıramhana John Hancock Center munarasynyń 95 qabatynda ornalasqan. Meıramhanadan qala men Mıchıgan kóliniń keremet kórinisi alaqandaǵydaı kórinedi. Kún batatyn ýaqytta kelseńiz, túńgi Chıkago sizdi óz ásemdigimen tolyq baýrap alady.

---