InfoHub Logo

Úlken ári bıik músinder ejelgi dáýirlerde salyna bastaǵan. Mysaly, ejelgi mysyrlyqtar turǵyzǵan Uly Sfınkstiń bıiktigi 20 metrdi quraıdy. Alaıda sońǵy júzjyldyqta bıiktigi boıynsha álemniń ejelgi keremetterin basyp ozatyn birneshe músinder turǵyzyldy. Tómende qazirgi tańdaǵy eń bıik 7 músindi keltirmekpiz. 

7. Kıevtegi Otan-Ana músini

Uly Otan soǵysynyń qurmetine turǵyzylǵan bul eskertkish patrıottyqqa shaqyrady. Músinniń qurylysy 1981 jyly aıaqtalǵan, eskertkishtiń ózi 62 metr bıiktikti quraıdy, al jalpy qurylysyn qosqanda bıiktigi 102 metrge jetedi. Músinniń salmaǵy – 560 tonna. Bir qyzyǵy, buǵan qaraǵanda Volgogradtaǵy Otan Ana músini tanymalyraq, biraq onyń bıiktigi – 54 metr. 

 

 

6. Ian men Hýan ımperatorlarynyń músini

Bul músin tasqa qashalyp jasalǵan, ol úshin eki onjyldyq qajet boldy. Qurylysy 2007 jyly aıaqtaldy. Músinniń jalpy bıiktigi – 106 metr. Aıta keteıik, bul músin Qytaıdyń eki tuńǵysh ımperatory – Ian Dı men Hýan Dıge arnalǵan. 

 

 

5. Qytaıdaǵy Gýan In músini

108 metrge jetetin Hýan In bodhısattvasynyń músini Qytaıdyń Haınan aralynyń ońtústik jaǵalaýynda ornalasqan. Músindi jasaýǵa 6 jyl ketken, jumys 2005 jyly aıaqtalǵan. 

 

 

4. Portýgalıadaǵy Krıshtý Reı músini (110 metr)

Bul músin Rıo-de-Janeıroda 1959 jyly turǵyzylǵan tanymal Qutqarýshy Isa Másih músininen shabyttanyp jasalynǵan. Ony qurastyrýǵa 10 jyl ketken, al ólshemi Rıodaǵy músinge tolyqtaı sáıkes. Monýmenttiń jalpy bıiktigi 110 metrdi quraıdy. 

 

 

3. Japonıadaǵy Ýshıký Daıbýtsý músini (120 metr)

Ýshıký Daıbýtsý músini Amıtabh Býddasyna arnalǵan jáne Japonıanyń Ýshıký qalasynda ornalasqan. Ol 1995 jyly qurastyrylǵan. Bul álem boıynsha bıiktigi jaǵynan úshtikke kiretin músin, eskertkishtiń jalpy bıiktigi 120 metrdi quraıdy. Músinniń ishindegi lıft arqyly eń bıikke kóterilýge bolady. 

 

 

2. Mánmadaǵy Laykyun Setkyar (130 metr)

Bul músin bıiktigi jaǵynan álemdegi ekinshisi. Ol ortalyq Mánmadaǵy Kaýng dóńine qurastyrylǵan. Onyń aıaq jaǵynda Býddanyń álemdegi eń úlken jantaıǵan músini ornalasqan. Jantaıǵan Býdda 1991 jyly salyndy, al bıik Laykyun Setkyar 2008 jyly. 

 

 

1. Kóktem Ǵıbadathanasynyń Býddasy (153 metr)

Bul álemdegi eń úlken jáne eń bıik músin. Eskertkishtiń jalpy bıiktigi 153 metrdi quraıdy. Músinniń qurylysy terrorısterdiń Aýǵanstandaǵy Bamıan Býddalaryn jaryp jibergennen keıin bastalǵan. Qurylys jumysy 2008 jyly bitti. 

 

Tómende keltirilgen grafıkte Kóktem Býddasynyń Bostandyq Músini, Volgogradtaǵy Otan-Ana men Qutqarýshy Isa Másih músinderimen salystyrǵandaǵy ólshemi kórsetilgen. 

---