InfoHub Logo

Birneshe apta buryn mıllıoner, kásipker jáne Y Combinator-dyń basshysy Sem Áltman 30-ǵa toldy. Osyǵan oraı ol ómirlik tájirıbesimen bólisip, osyndaı dárejege qalaı jetkenin baıandap maqala jazdy. 

Sem Áltman kásipker, ınvestor. 2005 jyly Stenford ýnıversıtetindegi oqýyn tastap Loopt kompanıasynyń negizin qurdy. Qazirgi ýaqytta Y Combinator startaptarǵa arnalǵan akseleratordyń prezıdenti. 

Bir apta buryn men 30-ǵa toldym. Eski dostarymnyń biri tájirıbemdi eskere otyryp, birneshe ómirlik keńester berýimdi ótindi. Oılap otyrsam ondaı keńes kóp eken, sondyqtan bul tizimdi jarıalaǵanym durys pa dep áli de kúmándanamyn, óıtkeni olardyń kóbi maǵynasyz.

Biraq jaýaptarymdy biraz qysqartyp, artyq zattardan tazartyp, sizderge usynýdy jón dep sheshtim. 

Otbasyńyz ben dostaryńyzdy tizimniń sońyna qoımańyz. Eski dostaryńyzben baılanysty úzbeńiz. Qyzyq bolsa tańǵa deıin olarmen sóılesińiz. 

Tabysty bolýdyń syry: bir isti alyńyz, soǵan bar nazaryńyzdy salyńyz, ózińizge senińiz (ásirese eger basqalar senbese), baılanys ornatyńyz jáne sóılesińiz, daryndy adamdarmen sóılesińiz jáne tynymsyz jumys isteńiz. 

Qyzyqsyz jumysty jaqsy jasaý múmkin emes. İstep jatqan jumysyńyzda eń ozyq bolamyn dep maqsat qoıyńyz. Buǵan qolyńyz jetpese de, erte me kesh pe, bıikten kórinerińiz anyq. Ózińizge jaýapkershilik alýǵa jáne táýekelge barýǵa qoryqpańyz. 

Aqshaǵa baqyt satyp alýǵa bola ma, bilmeımin, biraq oǵan erkindikti satyp alýǵa bolady. Al bul az emes. Aqsha jetispeýshilik te kúızeliske ákeledi. Jáne kóbine aqsha tabý olardy jaratýǵa qaraǵanda qyzyǵyraq bolady. 

Adamdarmen kóp aralasyńyz. Qysqa tvıtterge qaraǵanda, uzaq maqalalar men kitaptar oqyńyz. Teledıdardy sırek qarańyz. 

Ár kúnge, jylǵa, onjyldyqqa naqty maqsattar qoıyńyz. 

Josparlaý – bul óte jaqsy. Biraq eger kútpegen jerden múmkindik týyp tursa paıdalanyp qalyńyz. Aqylsyz birdeńe jasaýdan taıanbańyz. 

Aqyldy, qyzyqty jáne alǵa jeteleýshi adamdarmen dos bolýǵa tyrysyńyz. Solarǵa jaldanyp jumys isteńiz, solardy jumysqa alyńyz. Kóp ýaqytymyzdy kimmen ótkizsek, solarǵa uqsap ketetinimiz – ras.

Nazaryńyzdy basqaǵa aýdaratyn zattardan aýlaq bolyńyz. Bul óte mańyzdy. Zeıinińizdi bir arnaǵa buryp úırenińiz, ýaqyt óte kele bul óz jemisin beredi. 

Az ýaıymdańyz. Álemde sonshalyqty táýekelge bel býdyratyn zattar az. Kóptegen adam aldynda ne bolaryn bilmeı táýekelge barýdan qorqady. Bulaı siz eshqashan bıikke jetpeısiz. 

Qalaǵanyńyzdy suraı bilińiz. 

Eger birdeńeni istemeseńiz ókinetinińizdi bilseńiz, onda istegenińiz durys. 

Jattyǵyńyz. Durys tamaqtanyńyz. Demalyńyz. Munyń bárin jaqsy bilesiz. 

Jastyq shaq – bul uly zat. Ony beker ótkizbeńiz. Ony eshqandaı aqsha qaıtara almaıdy. 

Ata-anańyzǵa olardy jaqsy kóretinińizdi jıi aıtyńyz. Olarǵa baryp turyńyz. 

Qomaǵaılyqpen bilim alyńyz. 

Jıi jańa birdeńe isteńiz. Jańa qyzyǵýshylyq ýaqytty qabyldaýdy baıaýlatyp qana qoımaıdy, ómirdi qyzyq etedi, bir orynda otyrǵyzbaı, tanym kókjıegin keńeıtedi. 

Eshkimmen máńgilikke qoshtaspańyz. 

Adamdardy keshirińiz. 

Mártebe qýmańyz. Mártebeniń astarynda maǵyna bolmasa onyń túkke qajeti joq. 

Kóptegen zat ortasha mólsherde eshqandaı qaýip tóndirmeıdi. Mólsherinen artyq paıdalanǵan zattyń kóbi zıan ákeledi. 

Qorqynysh – ómirdiń ajyramas bólshegi. Bul kóbine aqyldy, degenine jetýge asyǵatyn adamdarǵa tán ekenin baıqaımyn. Meniń oıymsha, kóptegen adam qorqynysh jaıly kóp oılaǵandyqtan yntamen jumys isteıtin sıaqty. 

Shaǵym aıtýdan aýlaq bolyńyz. Adamdar mundaıdy jek kóredi. 

Ózgeniń tabystylyǵyn qyzǵanbańyz. Biraq kóbi sizge qyzǵanyshpen qaraıtynyn umytpańyz, muny elemeńiz. 

Eger sizdiń jetkilikti ýaqytyńyz bolsa, siz kez kelgen nársege beıimdele alasyz. 

Birdeńeni jasamas buryn birneshe sekýnd oılanyp alyńyz. Ashýlanyp turǵanda birneshe mınýt oılanyńyz. 

Kúnder uzaq, biraq onjyldyqtar qysqa. 

---