InfoHub Logo

Eger siz tek deneni jattyqtyrý kerek dep oılasańyz, qatelesesiz, óıtkeni aǵzamyzdaǵy bárine dál mı jaýap beredi jáne tipti siz jattyqtyrǵyńyz keletin bulshyq etke de sıgnal jiberetin mı. Eger mıyńyzdy belsendi jumys istetetin prınsıpterdi elemeıtin bolsańyz, onda ol sizge óshtesip, tipti jumys isteýden bas tartatynyna senimdi bolyńyz. Sondyqtan sur zattegińiz eshqashan sizdi jolda qaldyrmas úshin, mıdy jalqaýlyqqa jeteleıtin 7 prınsıppen tanys bolyńyz.

Sonymen, mıyńyz jumys isteýden bas tartady, eger...

…uıqyńyz qanbasa

Sozylmaly uıqysyzdyq densaýlyqqa zıan keltirip qana qoımaı, ol zeıin qoıý men mı jumysyn álsiretedi. Kóptegen adamǵa kúndelikti kem degende 8 saǵat uıqy qajet, biraq bul san árkimde árqalaı. Uıqynyń uzaqtyǵymen qosa onyń sapasy da mańyzdy – ol úzdiksiz bolýy qajet. Tús kóretin faza (tez uıqy fazasy nemese REM-faza) bizdiń sergek júretin saǵatymyzǵa óte qatty áser etedi. Eger uıqy jıi bólinip, mı bul fazada sırek bolsa, nátıjesinde biz ózimizdi álsiz sezinip, este saqtaý men zeıin qoıý turǵysynan qıyndyqqa ushyraımyz.

…stressti basqara almaý

Stresspen kúresýdiń kóptegen qoljetimdi amaldary bar, onyń ishinde medıtasıa, kúndelik júrgizý, psıhologpen jumys, ıoga, durys demalý jattyǵýlary, taı chı jáne t.b.. Bulardyń bári mıdyń jumys isteýine jaqsy kómektesedi.

…qozǵalmaý

Fızıkalyq jattyǵýlar qan aınalymyn jaqsartady, al bul óz kezeginde ottegi men nárli zattardyń deneniń barlyq jasýshasyna taralýyn qamtamasyz etedi. Turaqty fızıkalyq belsendilik júıke kletkalarynyń birigýine jáne tipti jańasynyń túzilýine kómektesetin zattekterdiń túzilýine ıtermeleıdi.

…jetkilikti sý ishpeý

Bizdiń denemiz shamamen 60% sýdan turady, al mı odan da kóp — 80%. Eger aǵzaǵa jetkilikti sý ishpeseńiz, onda ashýlanǵysh jáne tez qozǵysh bolyp ketesiz, durys sheshim qabyldaı alý múmkindigińiz tómendep ketedi. Kúni boıy ár saǵat saıyn kem degende bir staqan sý ishińiz (jyly sý iship kórińiz).

…paıdaly maılardy tutynbaý

Transmaılar dep atalatyn óńdelgen, sýtektendirilgen maılardy tutynbaýǵa tyrysyńyz jáne qanyqqan mal maılaryn tutynýdy azaıtyńyz. Al polıqanyqqan jáne monoqanyqqan maılar (olar jańǵaq, rafınadtalmaǵan ósimdik maılarynda, avokadoda bar) men omega-3 maı qyshqyldary (sapaly balyqta, grek jańǵaǵynda, zyǵyr dánderinde bolady) mıǵa óte paıdaly.

…mıdy jattyqtyrmaý

Jańa sabaqtardy oqý, qosymsha daǵdyǵa úırený, ıntellektýaldyq hobbı mı qoryn saqtap qalýǵa jáne kóbeıtýge kómektesedi. Úzdiksiz «jattyǵý» onyń ómir boıy joǵary deńgeıde jumys isteýin qamtamasyz etedi.

…kúndelikti jańa pisken jemister men kókónister jemeý

Tutynatyn taǵamymyzda óńdelmegen ónimderdiń bolýy aǵzamyzǵa óte paıdaly, bul ásirese ósimdikterge qatysty: kókónister, jemister, kók shóp, dándi daqyldar, burshaq tuqymdastar. Olar dárýmender, mıneraldar, antıoksıdanttar men jasunyqqa baı; munyń bári mıdyń jumysyna qajetti.

5 sekýnd ishinde mıdy iske kiristirýdiń ádisteri:

— oısha úlken sandardy esepteý;
— óleń, taqpaqty eske túsirý;
— kepteliske túsip qalmas úshin jańa marshrýtty tez oılap tabý;
— logıkalyq eseptý sheshý.

Mıdy kútýdiń negizgi erejeleri:

1. Deneńizdiń tıpine baılanysty tamaqtanyńyz.

2. Qajetti kalorıalardyń mólsherin naqty bilińiz.

3. Aptasyna 4-5 ret sportpen aınalysyńyz. Jaıaý júrý de jattyǵýǵa jatady.

4. Gormondaryńyzdy baqylaýda ustańyz (endorfın/oksıtosın/ dofamın/ serotonın).

5. Kúnine kem degende 7-8 saǵat uıyqtańyz.

6. Dárýmender ishińiz.

7. Salmaǵyńyzdy qalypta ustańyz.

Oqýǵa keńes beremiz:

Cport mıdy tynyqtyrady - ǵalymdar

Este saqtaý, zeıin salý jáne oı jınaqtaýǵa paıdaly 10 azyq

Mıǵa keri áser etetin 10 nárse

Mıǵa zıan keltiretin azyqtar

Adam mıyna qatysty 30 qyzyqty derek

Zerdeńizdi damytatyn paıdaly 7 daǵdy

Temekiniń mıǵa beretin zıandary

Mıǵa paıdaly jáne zıandy ónimder

Mı jáne densaýlyq

Jańa málimetti eske saqtaýdyń úzdik ádisi

---