InfoHub Logo

Árkim-aq, ómirinde bir ret bolsa da, shetelde oqyǵan qandaı bolady eken dep oılap kórdi. Buny kóptegen adamdar ómir boıy armandap júredi. Mine, osy kezde almasyp oqý sıaqty nárse kómekke keledi. Bundaı oqý arqyly qıalyńdaǵy elde biraz ýaqytqa sol eldik ekenińdi sezinýge bolady. Bul maqalada bundaı oqý túriniń artyqshylyqtary aıtylady. 

1. Bilim deńgeıi joǵary

Shetelde dúnıe júziniń eń ozyq mektepteri men ýnıversıtetteri bar. Onda oqyp, shynymen-aq, óz salańda úlken jetistikke jetýge bolady. Osy sebepti, negizgi artyqshylyqtardyń biri — bilim sapasy.

2. Barǵan eldiń mádenıeti

Shetelde, az ýaqyt bolsa da, oqyp júrip, sol eldiń adamy bolyp ketýge bolady. Belgili bir elde júrip, dál sol eldegi ahýaldy sezinip, onyń mádenıetimen etene tanysa alasyz. Bul bireý úshin balalyq shaǵynyń armany, basqa bireý úshin jaı ǵana qyzyqty ómirlik tájirıbe. Alaıda, osylaısha óz ómirińizdi ózgeristerge toltyryp, oǵan jańa reń bere alasyz.

3. Til syndyrý

Belgili bir elde bolý, ásirese onda oqyp júrý — ózińiz oqıtyn shetel tilin jaqsy úırenip alyp, ony jańa deńgeıge kóteretin kúshti múmkindik. Onyń ústine, buny óz elińnen góri shetelde júrip iske asyrý anaǵurlym ońaı, óıtkeni sheteldiktermen sóılesip júrip, tildi beısanaly túrde jaqsy ıgerip ketesiz.

4. Derbestik

Shetelge jalǵyz ketken kezde adamnyń derbestigi men jaýapkershiligi qalyptasatyny sózsiz. Bir óziń júrip-turýyń, óziń tamaq jasap ishýiń, páteraqysyn tóleýiń kerek. Shetelde júrip bulaı etý, ásirese tildi bilý deńgeıi onsha joǵary bolmasa, ońaıǵa soqpaıdy. 

5. Jańa adamdarmen tanysý

Adamdardyń kóbi úshin sheteldik dosy bolǵany arman ǵana, biraq shetelde tursań, bunyń esh qıyndyǵy joq. Sheteldik adammen dos bolyp ketip, ómir boıy dos bolyp qalýǵa bolady. Sonymen qatar, ol jaqta ózińniń teńińdi taýyp alýyń múmkin.   

Oqýǵa keńes beremiz:

Garvard týraly shyndyq: qurylý tarıhy, tanymal túlekteri men bılik oryndary

Chehıa ýnıversıtetine qalaı túsýge bolady: qadamdyq nusqaýlyq

Avstrıada bilim alýdyń artyqshylyqtary men bolashaǵy

Garvard týraly bile bermeıtin 7 qyzyqty derek

Aýstralıada bilim alýdyń artyqshylyqtary

Gonkongtaǵy oqýy men ómiri, ondaǵy qıyndyqtary jaıly qazaq jigitiniń áńgimesi

Shetelde bilim alý: University of Strathclyde

«Bolashaq» baǵdarlamasy boıynsha shetel joǵarǵy oqý ornyna qalaı túsýge bolady

Germanıa bilim júıesi týraly

---