Almatyda oqýshylardyń tamaqtanýynyń biryńǵaı standarty engiziledi
Almatyda jańa oqý jylynan bastap, oqýshylardyń tamaqtaný júıesiniń jańa standarty engiziledi. Bul týraly óńirlik komýnıkasıalar qyzmetinde ótken brıfıń barysynda aıtyldy.
«Birinshi ret Qazaqstan terıtorıasynda Almatyda oqýshylardyń durys tamaqtanýynyń biryńǵaı standarty engiziledi. 4 aptalyq mázir Qazaqstan taǵamtaný akademıasymen, Ulttyq densaýlyq ortalyǵynyń mamandarynyń nuqsaýlyǵymen jasaldy», - dedi qalalyq Qoǵamdyq densaýlyqty saqtaý departamentiniń basshysy Aızat Moldaqasymova.
Onyń aıtýynsha, bul oqýshylardyń densaýlyǵyn nyǵaıtýǵa, ımýnıtetin kúsheıtýge, durys tamaqtaný rejımin qalyptastyrýǵa baǵyttalǵan shara.
Endi qalanyń barlyq mektepterinde tamaqtaný qyzmetin atqaratyn kásiporyndardyń barlyǵy taǵamdy bir standart boıynsha daıyndaıtyn bolady.
Biryńǵaı standart boıynsha 7-10 jastaǵy balalar sabaq mezgilinde - 840 kkal, 11-14 jastaǵy balalar - 951 kkal, 15-18 jastaǵy balalar 1020 kkal taǵam tutynatyn bolady.
You Might Also Like
