Bilim mınıstri granttardyń bólinýine qatysty pikir bildirdi
Bilim jáne ǵylym mınıstri Erlan Saǵadıev memlekettik granttardyń taǵaıyndalýyna qatysty pikir bildirdi.
Ótken jyldary «Altyn belgi» ıegerleri, túrli konkýrstar men ǵylymı jobalardyń jeńimpazdary ulttyq biryńǵaı testileýden qansha bal alǵanyna qaramastan basymdyqqa ıe bolǵan edi. Olar tikeleı grantqa túsetin. Jańa erejege sákes, endi olarǵa jınaǵan baldary basqalarmen birdeı bolǵanda ǵana basymdyq beriledi.
«Bıyl zańnamaǵa azdaǵan ózgerister engizdik. Memlekettik granttardy tek UBT nátıjeleri boıynsha beremiz. Álemniń kóptegen elderindegi sıaqty, biz de daryndy jastardy ýnıversıtetterdiń ózderi izdeıtindeı júıege kóshemiz. Ol úshin ýnıversıtetterge basqarýda qarjylyq, akademıalyq erkindikter berildi », - deıdi Erlan Saǵadıev Almatyda sýdentter arasynda fýtzaldan álem chempıonatynyń ashylýy aldyndaǵy baspasóz konferensıasynda.
Mınıstrdiń sózine qaraǵanda, stýdentter ýnıversıtet ishindegi, ýnıversıtetter arasyndaǵy jáne halyqaralyq konkýrstarda óz oqý ornynyń bedelin arttyrýǵa úlesin qosýy tıis.
Ýnıversıtetter aıtarlyqtaı nátıje kórsetip júrgen sportshy stýdentterge jeńildikter berý-bermeý máselesin endi rektor sheshedi.
E. Saǵadıevtiń aıtýynsha, mektepterde deneshynyqtyrý sabaqtary aıasynda (aptasyna 3 saǵat) jarystar uıymdastyrýǵa bólinetin saǵattar 1 nemese 2 saǵatqa kóbeıtiletinin jetkizdi.
You Might Also Like
-
Almatyda medısına mamandary oqýshy sómkesiniń qandaı bolýy kerektigin aıtty.
