InfoHub Logo

Almaty oblysynyń joldarynda taǵy da qaraly jaǵdaı. 5 jeltoqsan kúni bolǵan iri jol apatynan bir mezette tórt adamnyń ómiri qıyldy. Qaıǵyly oqıǵa Almaty – Kókpek – Kóktal – Shonjy tas jolynyń 80-shi shaqyrymynda oryn aldy.

Aldyn ala málimet boıynsha, apatqa jyldamdyqty nemese róldi basqara almaý sebep bolýy múmkin. Audi A6 markaly kóliginiń júrgizýshisi kútpegen jerden qarsy qozǵalys jolaǵyna shyǵyp ketken.

Saldarynan qarsy bette kele jatqan Nissan Cefiro kóligimen betpe-bet soqtyǵysqan. Soqqynyń qatty bolǵany sonsha, eki kóliktiń de júrgizýshileri men eki jolaýshy oqıǵa ornynda alǵan jaraqattarynan kóz jumdy.

Zardap shekkender bar ma?

Ókinishke qaraı, qaza tapqandardan bólek, jaralanǵandar da bar. Túrli dene jaraqatyn alǵan taǵy úsh jolaýshy shuǵyl túrde jaqyn mańdaǵy aýrýhanaǵa jetkizildi. Dárigerler olardyń ómiri úshin kúresip jatyr.

Qazirgi tańda polısıa departamenti sotqa deıingi tergeý amaldaryna kiristi. Tártip saqshylary oqıǵanyń naqty sebepterin anyqtap jatyr. Tergeý barysy oblystyq polısıa basshylyǵynyń qatań baqylaýyna alyndy.

Qaraly apta: Sportshylardyń qazasy esten ketpeı turyp...

Bul — sońǵy aptadaǵy Almaty óńirinde bolǵan jalǵyz qaıǵyly oqıǵa emes. Esterińizde bolsa, 2 jeltoqsanǵa qaraǵan túni Almaty – Bishkek tas jolynda da (129-shy shaqyrym) sumdyq apat bolǵan edi.

Ol kezde Honda Odyssey kóligi júk kóliginiń tirkemesine soǵylyp, salondaǵy 7 adam túgeldeı qaza tapqan bolatyn. Keıin belgili bolǵandaı, marqumdardyń arasynda elimizge belgili ardager sportshylar, sonyń ishinde shahmattan sýrdlımpıada jáne Eýropa chempıony Dmıtrıı Mochalskıı de bolǵan.