Almaty oblysynda muǵalim men jasóspirimge qatysty oqıǵa boıynsha tergeý bastaldy
Almaty oblysy, Ótegen batyr aýylyndaǵy qonaq úılerdiń birinde 6 mamyrǵa qaraǵan túni júrgizilgen reıd kezinde 33 jastaǵy azamat pen 13 jasar qyz anyqtaldy. Atalǵan jaǵdaı boıynsha quqyq qorǵaý organdary tekserý bastady.
Tergeý málimetinshe, er adam – mýzyka pániniń muǵalimi, Qurmanǵazy atyndaǵy ulttyq konservatorıa túlegi. Ol jergilikti oqýshylar úıinde qosymsha bilim beredi.
Qazirgi ýaqytta QR QK 122-baby ("On alty jasqa tolmaǵan adammen jynystyq qatynas jasaý") boıynsha sotqa deıingi tergeý amaldary júrgizilip jatyr. Taraptardyń aıtqandary men oqıǵa mán-jaıy tolyq anyqtalyp, quqyqtyq baǵa beriledi.
Qonaq úı ıesiniń aıtýynsha, qyz óz erkimen kelgen jáne jasyn jasyrǵan bolýy múmkin. Sondaı-aq, bul oqıǵaǵa deıin de onyń úıinen ketip qalǵany jáne ata-anasy tarapynan izdeý salynǵany belgili boldy.
Quqyq qorǵaý organdary tergeýdiń ádil ári obektıvti júrgiziletinin málimdedi. Kúdiktiniń kinási dáleldengen jaǵdaıda, zań aıasynda qatań jaza qarastyrylady.
You Might Also Like
-
Túrkistan oblysynyń turǵyndary brakonerlik úshin sottaldy,dep habarlaıdy Infohub.kz.
-
Qyrǵyzstan prezıdenti Sadyr Japarov qazaq pen qyrǵyz arasyna iritki salýǵa tyrysqan aqparattyq shabýyldarǵa jaýap berip, Facebook paraqshasynda arnaıy jazba jarıalady. Ol eki halyqty bólýdi kózdegen ...
