InfoHub Logo

Sońǵy ýaqytta aqbóken etin tutynýǵa baılanysty qoǵamda túrli saýaldar týyndap jatyr. Halyq arasynda bul janýarlardyń etinen juǵatyn qaýipti aýrýlar bolýy múmkin degen kúmán bar. Osyǵan oraı Aýyl sharýashylyǵy mınıstrligi resmı málimdeme jasady.

Vedomstvonyń habarlaýynsha, oba, sibir jarasy, brýsellóz, aýsyl, pasterellóz sıaqty juqpaly dertterdiń aldyn alý úshin aqbókender turaqty túrde tekseriledi. Bul jumystarmen Ulttyq veterınarıa qyzmeti aınalysady.

Qazirgi tańda Qazaqstannyń alty oblysynda 24 arnaıy soıý pýnkti jumys istep tur. Mınıstrlik olar tolyqtaı veterınarlyq-sanıtarlyq talaptarǵa saı ekenin atap ótti. Aqbókenniń eti arnaıy tońazytqysh kóliktermen tasymaldanyp, ár partıasy mindetti túrde veterınarlyq baqylaýdan ótedi.

Saraptamadan ótken et qana saýdaǵa jiberiledi. Sol sebepti mınıstrlik turǵyndarǵa aqbóken etin satyp alarda veterınarlyq anyqtamasy bar jerlerge ǵana júginýge keńes berip otyr.