InfoHub Logo

Baıaǵyda bir ańqaý esegine minip saparǵa shyǵady. Kele jatyp taýǵa kez bolady. Taýǵa shyǵarda esegin aıap, jetektep alypty. Muny eki qý kórip, esekti urlamaqshy bolady. Eki qý ańqaýǵa bildirmeı kelip, bireýi esektiń noqtasyn sypyryp jiberipti de ózi kıip ańqaýdyń artynan erip otyrady. Ekinshi ury esekti alyp ketedi. Ańqaý bilmeıdi, óleńin aıtyp, qannen-qapersiz júre beredi. Birazdan keıin álgi qý tartynyp júrmeıdi, ańqaý artyna qarasa, esektiń ornynda adamdy kóredi.

— Bul qalaı, sen qaıdan keldiń? — dep tań qaldy.

Qý jigit:

— Men seniń esegiń bolyp júrgen adam edim, bala kezimde tentek bolyppyn, sheshem, «esek bolǵyr» dep qarǵap jibergende men esek bolyp qalyppyn. Meni sen bazardan satyp aldyń, búgin qaıtadan sheshemniń meıirimi túsip, «adam boldym», — deıdi.

Ańqaý buǵan senip:

— Al, endeshe, úıińe bara ǵoı, — dep bosatyp jiberipti.

 

---